Michael Felix Dunal
Felix Dunal, nomine pleno Michel-Félix Dunal (Montepessulani die 24 Octobris 1789 natus; ibidem mortuus die 29 Iulii 1856 fuit botanista et professor historiae naturalis apud universitatem Montispessulanensem.
Filius argentarii, iam iuvenis se ad medicinam botanicamque dedicavit.[1] Universitatem urbis nativae frequentavit. Ibi gradum doctoris anno 1813 ascendit dissertationis gratia cuius titulus fuit Histoire naturelle, médicale et économique des Solanum. Discipulus fuit Augustini Pyrami de Candolle, quo ab universitate absente ipse cathedram naturalis historiae ad interim tenebat, et mox suo iure succedit: quo officio usque ad mortem functus est. Director factus est iam anno 1819 horti botanici Monspeliensis. Labores suos de solanaceis refecit in forma commentationis longae ad magnum opus cuius titulus est Prodromus systematis naturalis regni vegetabilis a praeceptore Augustino inceptum, a discipulo Alphonso de Candolle perfectum.
Scripta
recensere- 1813 : Histoire naturelle, médicale et économique des Solanum et des genres qui ont été confondus avec eux. Lutetiae: Koenig, 1813 (Textus apud Google Books)
- 1842 : Éloge historique de A.-P. de Candolle. Montepessulani (Textus apud Google Books)
- 1852 : "Solanaceae" in A. de Candolle, Prodromus systematis naturalis regni vegetabilis vol. 13 fasc. 1 (Lutetiae: Masson, 1852) p. 428
Notae
recensereNexus externi
recensere- "Fonds patrimonial Dunal" apud universitatem Montispessulanensem
- "Michel - Félix Dunal (24-10-1789 | 29-7-1856)" apud Academiam Scientiarum Artiumque Montispessulanensem