Menestor

Menestor Sybarita, litteris Graecis Μενέστωρ Συβαρίτης, inter Pythagoreos ordinatus, saeculo V a.C.n. ut videtur florens, primum fuisse censetur omnium qui de re botanica Graece scripserint. Singulum testimonium de eo apud Iamblichum, fragmenta operis eius pauca nobis servantur apud Theophrastum.

Enumeratio testimoniorum et fragmentorum

Iamblichus, De vita Pythagorea 267: Menestor inter Sybaritas Pythagoreos ordinatur
Theophrastus, Historia plantarum 1.2.3: fluida in plantis convecta ab aliis variatim, a Menestore semper "ὀπός" appellata
— — 5.9.6: hederam maxime respirare, celerrime ignem excitare
Theophrastus, De causis plantarum 1.17.3: morum tardius propter clima germinare, cito propter plantae infirmitatem fructificare
— — 1.21.5-7 plantas calidissimas esse quae in aqua habitant schoenum calamum cyperum, quare hieme non enecari; inter cetera ea quae in frigidis locis durare possint ut piceam pinum cedrum iuniperum hederam; super hac nec nivem permanere propter calorem; eandem flexuosam esse quia calore medullae contorqueatur etc.
— — 2.4.3: agrum pinguissimum nulli stirpi commodum quia magis exsiccat
— — 6.3.5: sapores infinitos esse

Bibliographia

Editiones testimoniorum et fragmentorum

1906 : "22. Menestor" in H. A. Diels, W. Kranz, edd., Die Fragmente der Vorsokratiker (1a ed., 1903; 4a ed., 1922; 6a ed. 1951-1952) 2a ed. vol. 1 pp. 219-220
1988 : Jean-Paul Dumont, ed., Les Présocratiques pp. 443-445, 1331-1332
1989 : "32. Менестор" in А. В. Лебедев, interpr., Фрагменты ранних греческих философов

Eruditio

Suzanne Amigues, interpr., Théophraste: Recherches sur les plantes: À l’origine de la botanique (Lutetiae: Belin, 2010. ISBN 978-2-7011-4996-7) p. 7 n. 10, p. 200 n. 35, p. 215
Wilhelm Capelle, "Menestor redivivus" in Rheinisches Museum vol. 104 (1961) pp. 47-69
Adrianus Spigelius^(nl), Isagoges in rem herbariam libri duo (Lugduni Batavorum: Elzevir, 1633) pp. 24-25
Leonid Zhmud, "Aristoxenus and the Pythagoreans" in Carl A. Huffman, ed., Aristoxenus of Tarentum: Discussion (New Brunswick: Transaction Publishers, 2012) p. 223 ff. (Paginae selectae apud Google Books)

Nexus externi

"Menestor Sybarita" apud Répertoire des sources philosophiques antiques
"22. Menestor" (versio Francogallica operis Diels-Kranz)