Marcus Valerius Bradua Mauricus
Marcus Valerius Bradua Mauricus (nescimus, quando natus sit, mortuus est post annum 206) senator Romanus fuit secundo et tertio saeculo. Ortus est ex Liguria, pater eius Marcus Valerius Bradua Claudianus anno 172 consul suffectus erat. Ipse anno 191 consul ordinarius creatus Romae operum publicorum curator fuit, deinde curator aquarum aquaeductis urbis praepositus est, anno 197 censitor provinciae Aquitaniae fuit. Anno 206 denique proconsul Africam administravit[1].
Notae
recensere- ↑ Der Neue Pauly, Stuttgardiae 1999, T. 12/1, c. 1107
| Antecessores: Imp. Caesar Marcus Aurelius Commodus Antoninus Augustus VI et Marcus Petronius Sura Septimianus |
Consul 191 cum Popilio Pedone Aproniano |
Successores: Imp. Caesar Lucius Aelius Aurelius Commodus Augustus VII et Publius Helvius Pertinax II |