Vide etiam paginam discretivam: Lexintonia (discretiva)

Lexintonia[1] sive Lexingtonia[2] (vulgo Lexington) est urbs Kentukiae 268,080 incolarum (secundum censum anni 2005), secunda magnitudine nulli urbi Kentukianae praeter Ludovicopolin. Ex anno 1974 ineunte, Lexintonia est primum municipium in Re Publica Kentukiae quod constat ex urbe et comitate (nempe Fayette) consolidatis.

Despectus in mediam urbem Lexintoniam

Inter visu digna Lexington in urbe sita sunt Hortus Equestris Kentikianus, Circus Keenelandianus, Circus Millarii Rubri, fabrica butyrum arachidis qua fit plus butyri arachidis quam qualibet fabrica in mundo, Universitas Transylvaniana, et Universitas Kentukiana, in qua celebratur Conventiculum Latinum Lexintoniense.

Historia recensere

Ante Europaeorum adventum tribus Shawnee hoc territorium incolabat. Lexintonia mense Iunio anni 1775 condita est in Fincastle comitatu Virginiae, septemdecim annis antequam Kentukia civitas facta est. Coloni, duce Gulielmo McConnell, castra ad furcam mediam fluvii Elkhorn posuerunt. Nuntio victoriae colonorum in pugna Lexingtoniensi accepto, castra Lexintoniam ex oppido Massachusettensi nominaverunt.

Incolae notabiles recensere

Nexus externi recensere

  Vicimedia Communia plura habent quae ad Lexintoniam spectant.
  • Situs officialis (Anglice)

Notae recensere

  1. * 1998, Tunberg, "Praefatio" (ad editionem Iani Nicii Erythraei):
    Scribebam Lexintoniae, die 240 mensis Ianuarii, anno 19980.
    Permultis linguae Latinae cultoribus non solum Americae Septentrionalis regiones, verum etiam alias orbis terrarum partes habitantibus iam innotuerunt conventicula Latine loquentium, quae Lexintoniae in civitate Kentukia quotannis celebrantur, quorum participes Latine interdiu sermocinantes, Latine noctu somniantes, Latine noctes diesque viventes communitate quadam atque sodalitate fruuntur iucundissima.
  2. * 1997, Accii, "De Secundo Conventiculo Latino Lexingtoniae in America Septentrionali habito feliciterque peracto narratiuncula", in Melissa, n° 80, anno 1997, pp. 2-4.
 

Haec stipula ad urbem spectat. Amplifica, si potes!