Ius respondendi

Ius respondendi ex auctoritate principis interdum iuris peritis ab imperatoribus Romanis datum est, qui in loco eorum quaestionibus de lege civili responderent. Illorum contributione curatio legum imperii Romani valde provecta est.

Ex aetate Augusti illud ius exiguo numero iuris peritorum ordinis senatorii tribuebatur. Saeculo quidem secundo p.C.n. accedit, ut plerumque equestres hoc munere laureati sunt.

Eo honore affecti etiam consilii imperatoris fuerunt. Dicti consiliarii magni aestimabantur eisque curso honorum peracto etiam officium praefecti praetorii obtinere licuit.

Primus notus eques iure respondendi affectus fuit Masurius Sabinus primo saeculo p.C.n. florens, qui regnante Tiberio munere consiliarii in rebus iuris fungebatur.