Impetus Lutetiae Novembri 2015 facti
Impetus Lutetiae Novembri 2015 facti fuerunt incursiones conspiratae a terroristis Islamicis Lutetiae vespere 13 Novembris 2015 crudeliter in homines fortuitos factae. Res hora 21:16 CET fieri coeptae sunt in circumdariis I, X, XI, atque in Stadio Franciae, Sancti Dionysii in septentrionali suburbio.[1] Tres saltem diruptiones et sex sclopetationes in multitudinem collineatae renuntiatae sunt. In theatro Bataclan obsides retenti sunt.
Homines 129 saltem privati, inter quos circa octoginta et novem spectatores in theatro, [2][3][4][5] armis igniferis bombisque necati sunt. Ducenti saltem homines vulnerati sunt, octoginta graviter. Vigiles Francici duos suicidas bombiferos impetibus interfuisse renuntiaverunt.[6] Qui cum iam fiebant impetus, Franciscus Hollande, praeses Franciae, in contione televisifica hora 23:58 CET[7] habita statum discriminis nationalem declaravit, multosque fines civitatis clausit. Interpres vigilum omnes aggressores necatos esse renuntiavit. Post secundum bellum mundanum, haec pessima est calamitatum in Francia factarum.[8]
Proximo die, 14 Novembris, Civitas Islamica se in culpa esse nuntiavit.[9][10][11]
Nexus interni
Notae recensere
- ↑ Nossiter 2015.
- ↑ The Guardian.
- ↑ BBC News.
- ↑ "Paris shootings: Casualties in city centre and explosion at Stade de France". BBC News Online. 13 November 2015.
- ↑ Paris shootings and explosions near Stade de France kill 18. . BBC News. 13 November 2015.
- ↑ "French police official confirms 2 suicide attacks, 1 bombing near Paris stadium". The Daily Star Newspaper – Lebanon.
- ↑ The Guardian.
- ↑ Le Monde, die 14 Novembris 2015.
- ↑ Parfitt, Tom (14 Novembris 2015). "ISIS 'claims responsibility' for Paris attacks after hundreds killed across French city". Daily Express.
- ↑ "L'organisation État islamique revendique les attentats de Paris". France 24. 14 Novembris 2015.
- ↑ Castillo, Mariano; Karimi, Faith; Bittermann, Jim (14 Novembris 2015). Paris attacks: ISIS claims responsibility for gunfire, blasts that killed 128 people. . edition.cnn.com (CNN).
Nexus externi recensere
- "Paris attacks LIVE updates," www.bbc.com (BBC News)
- "Paris attacks: France declares state of emergency after dozens killed – live," www.theguardian.com (The Guardian)