Herbertus Byng Hall
Herbertus, vulgo Herbert Byng Hall (Oxoniae natus die 21 Octobris 1805; die 25 Aprilis 1883 ad Bathweston mortuus) fuit cursuarius et gastronomus. Filius fuit Caroli Henrici Hall(en) qui decanus Aedis Christi Oxoniensis meruit.
Herbertus Byng Hall
De vita
recensereAnnum aetatis undevigesimum agens in legionem 39 inductus est gradu ensign, mox lieutenant, unde post duos annos in legionem 7 (Royal Fusiliers) mutavit. Capitanus anno 1832 factus est. Anno 1835 ad milites Britannos se iunxit (duce Georgio De Lacy Evans) qui Isabellam II reginam Hispaniae contra Carlistas adiuvebant. Anno insequenti, cruce S. Laurentii(es) laureatus, ratione medica in Angliam remissus, apud cursuarios operam dare coepit. Consiliarius fuit Expositionis Londiniensis 1851(en). Ab anno 1855 usque in 1882 cursuarius inter legationes Britannicas Europam fere omnem peragrabat. Libros plures de venatione, de re militari, de peregrinatione, de re gastronomica edidit; de expeditione Hispanica Spain (1837), de itineribus suis non bellicis Sayah (1856) et The Queen’s Messenger (1865) divulgavit.
De attributione scriptorum gastronomicorum
recensereLibri tres de re gastronomica scripsit (videlicet Sport and its Pleasures; The Oyster; Lucullus), propter quos a gastronomic writer of some eminence ("auctor ganearius satis eminens") anni 1906 a Francisco Schloesser nuncupatus est.[1] Hi libri interdum non ad Hall sed ad Grenville Murray, diurnario eiusdem aevi, attribuuntur: primus eorum, qui in talem errorem ceciderint, fuit fortasse Thomas Seccombe biographus.[2] Error corrigitur liberque The Oyster recte ad Hall attribuitur, sed sine explicatione, ab Ioanne Laing in catalogo litterarum anonymarum et pseudonymarum anno 1928 divulgato.[3]
Re vera nomen auctoris illorum librorum in paginis titulorum minime datum est; sed ratio, quae sequitur, veram attributionem corroborat. Liber The Oyster (1861, 1863) omnino anonymus fuit,[4] sed liber Lucullus (1878; congeries librorum Sport and its Pleasures et The Oyster cum commentatione "The Lobster") "ab auctore The Queen's Messenger"[5] se scriptum esse proclamavit; Sport and its Pleasures (1868) "ab auctore Highland Sports, Sayah etc.";[6] Sayah (1856) "ab auctore Soldiers and Sailors, Spain, Highland Sports etc.";[7] atque The Queen's Messenger (1865) "a maiore Herberto Byng Hall"[8] et Highland Sports (1848) "ab Herberto Byng Hall, generoso, auctore Spain, Scenes at Home and Abroad etc."[9] se scripta esse proclamaverunt. Quae duo opera nomen auctoris aliis eius catenae omnibus praebuerunt.
Scripta
recensere- 1837 : Spain, and the Seat of War in Spain (Textus apud Google Books)
- 1839 : Scenes at Home and Abroad (Textus apud Google Books)
- 1847 : Highland Sports, and Highland Quarters (editio 1848 apud Google Books)
- 1849 : Exmoor; or the Footsteps of St. Hubert in the West (Textus apud Google Books)
- 1850 : Scottish Sports and Pastimes (Textus apud Google Books)
- 1850 (interpres) : Elzéar Blaze(fr), The Sportsman and His Dog: or, Hints on Sporting (Textus apud Google Books)
- 1851 : The West of England and the Exhibition, 1851 (Textus apud Google Books)
- 1852 : Brooklands; a Sporting Biography. 2 voll. (vol. 1) vol. 2
- 1853 : Mary, a Daughter of the English Peasantry. A Novel. 3 voll. vol. 1 vol. 2 (vol. 3)
- 1855 : Soldiers and Sailors in Peace as in War (editio 1869 apud Google Books)
- 1856 : Sayah, or The Courier to the East (Textus apud Google Books)
- 1859 : Sport and its Pleasures, Physical and Gastronomical, (editio 1868 apud Google Books) Textus apud Internet Archive
- 1861 : The Oyster: where, how and when to find, breed, cook and eat it. Londinii: Trübner, 1861. Xylographiae a Georgio Cruikshank (Textus apud Google Books) Textus apud Internet Archive
- 2a ed. aucta, 1863 (Textus apud Google Books)
- 1865 : The Queen’s Messenger; or, Travels on the High-ways and Bye-ways of Europe Textus; 2a ed., 1870
- 1868 : The Adventures of a Bric-à-brac Hunter (Textus apud Google Books)
- 2a ed., aucta, 1875, titulo The Bric-à-brac Hunter; or, Chapters on Chinamania (Textus apud Google Books)
- 1878 : Lucullus: or, Palatable Essays, in which are merged “The Oyster,” “The Lobster,” and “Sport and its Pleasures”
Notae
recensere- ↑ Frank Schloesser, The Greedy Book: a gastronomical anthology (Londinii: Gay and Bird, 1906) p. 167; "Major Byng Hall" insuper, nullo dubio admisso, de ostreis Matriti venditatis citatur ab John R. Philpots, Oysters, and all about them (Londinii: John Richardson, 1890-1891) p. 381
- ↑ Thomas Seccombe, "Murray, Grenville" in Dictionary of National Biography edd. Leslie Stephen, Sidney Lee. 63 voll., 3 voll. suppl. (Londinii, 1885-1901 ~)
- ↑ Samuel Halkett, John Laing; James Kennedy et al., edd., Dictionary of Anonymous and Pseudonymous English Literature (editio aucta. 9 voll. Edinburgi: Oliver and Boyd, 1926-1963) vol. 4 p. 288
- ↑ Nihilominus auctor anonymus media pagina 15 de munere haud communi cursuarii reginalis (Queen's Messenger) locutus est: quo munere Herbertus Byng Hall functus est.
- ↑ by the author of "The Queen's Messenger"
- ↑ (by the author of "Highland Sports", "Sayah" etc. etc.)
- ↑ (by the author of "Soldiers and Sailors", "Spain, and the Seat of War in Spain", "Highland Sports etc.)
- ↑ by Major Herbert Byng Hall
- ↑ (by Herbert Byng Hall, Esq., author of "Spain, and the Seat of War in Spain", "Scenes at Home and Abroad" etc.)
Bibliographia
recensere- Frederic Boase, Modern English Biography; containing many thousand concise memoirs of persons who have died between the years 1851–1900 with an index of the most interesting matter (Londinii: Frank Cass, 1965) vol. 1 p. 1285 sq.
- Andrew Dalby, "Biogastronomica II. A question of attribution" in Petits propos culinaires no. 122 (2022) pp. 100-105
- John Foster Kirk, A Supplement to Allibone’s Critical Dictionary of English Literature and British and American Authors (Philadelphiae: Lippincott, 1892) vol. 2 p. 744