Henricus Berckman

Henricus Berckman (vulgo: Hendrick Berckman seu Hendrick Berckmans; Klundert 1629 natus; Medioburgi 27 Martii 1679 mortuus) fuit saeculi aurei pictor et peritissimus adumbrationis artifex Nederlandicus.

Henricus Berckman

Res apud Vicidata repertae:

Henricus Berckman: imago

Nativitas: 1629; Klundert
Obitus: 27 Martii 1679; Medioburgum
Patria: Res Publica Coniunctarum Provinciarum

Michaelis de Ruyter effigies (1655)

Hadriani Banckert effigies (1673)

Biographia

Qui Harlemi a Philippo Wouwerman et deinde Antverpiae a Thoma Willeboirts Bosschaert atque Iacobo Jordaens artem pingendi didicit. Primum parvas picturas pugnarum pinxit, sed hoc negotium eum haud alebat. Pictor aulicus fuit apud regiam Henrici Nassoviae, qui anno 1652 obiit. Postea, Iacobus Jordaens suadens, effectioni personarum effigierum institit. De 1652 usque ad 1654 Lugduni Batavorum laboravit. Ibique die 24 Februarii anno 1654 Henricus Berckman quidam ut sodalis Lugduni Batavorum Sancti Lucae Societatis notatus est, sed probabiliter idem pictor non est, quoniam mortuus iam commemoratur. Anno 1655 in Sancti Lucae Sodalitatem Medioburgi receptus est, ibique laboravit usque ad 1679 ut personarum effigierum pictor clarus. Ex operibus maximis, effigies classis praefecti Michaelis de Ruyter, Ioannis Evertsen et Hadriani Bankert commemoramus.

Ex Van der Aa sententia, Flissingae laboravit quoque, ibique picturas pugnarum perfecit.

Non solum effigies personarum, sed etiam topia pinxit.

Bibliographia

• "Hendrick Berckman". Rijksbureau voor Kunsthistorische Documentatie. 2017 
• Abraham Jacob van der Aa; Karel Johan Reinier van Harderwijk;Gilles Dionysius Jacobus Schotel (1854). J.J. van Brederode. ed. Biografisch Woordenboek der Nederlanden. vol.II°. Harlemi. pp. 358 

Nexus externi

Vicimedia Communia plura habent quae ad Henricum Berckman spectant.

• Henricus Berckman in Amstelodami Rijksmuseum (Nederlandice)
• Henricus Berckman in Artnet (Anglice)