Franciscus Legault

Franciscus, vulgo François Legault (Monte Regio natus die 26 Maii 1957) est politicus Quebeci.

Franciscus Legault

Res apud Vicidata repertae:

Franciscus Legault: imago

Nativitas: 26 Maii 1957; Lachine
Patria: Canada

Familia

Coniunx: Isabelle Brais

In urbana Montis Regii regione Sainte-Anne-de-Bellevue educatus, scholam studiorum superiorum commercialium Montis Regii frequentavit. Rationarius, deinde negotiator operam dedit apud societates aviationis Nationair Canada et Québécair necnon alibi. Societatem Air Transat anno 1986 condidit et usque in 1997 direxit. In rebus politicis agens legatus est conventui nationali Quebecensi a die 15 Decembris 1998 ad 25 Iunii 2009, iterum a die 4 Septembris 2012 usque hodie. Mense Februarii 2011 cum Carolo Sirois motum politicum, nomine coalitionem futuri Quebeci, condidit et usque adhuc in forma factionis dirigit. Comitiis anni 2018 victor, primus minister Quebeci a die 18 Octobris 2018 meret.

Bibliographia

• "Change coming, Francois Legault vows as he becomes Quebec premier" in London Free Press (18 Octobris 2018)
• Myriam Fontaine, Maude-Emmanuelle Lambert, "François Legault" in Canadian Encyclopedia
• Les Perreaux, "Coalition Avenir Québec wins historic majority as voters soundly reject old-line Liberals, PQ" in Globe and Mail (1/2 Octobris 2018)

Nexus externi

Vicimedia Communia plura habent quae ad Franciscum Legault spectant.

• Vita apud conventum Quebecensem

Primi Ministri Quebecenses