Formula:PaginaMensis/Aprilis 2014

Templum Christianum Bete Giorgis Lalibelae e rupibus exsculptum

Aethiopia (vulgo: Ityop'iya), rite "Res publica democratica foederalis Aethiopiae", olim Abyssinia, est civitas sui iuris in Africa Orientali et antiquissima civitas Africana. Sola inter omnes civitates huius continentis, Aethiopica monarchia suam libertatem per omnem aetatem colonialem conservavit, nisi per Italicam occupationem (inter annos 1935 et 1941, dum secundum bellum mundanum geritur).

Circa annum 970, Iudita regina Christianos in Aethiopia persecuta est, et Regni Axumitani labem acceleravit. Quamquam chronographi Aethiopum eam Hebraeam considerent, aliqui hodierni studiosi de hac re dubitant, et eam paganam potuisse esse suggerunt. Inferioris Medii Aevi primis temporibus, Regnum Aethiopicum natum est, Christianitatis propugnaculum in Africa …