Fora Imperatorum
(Redirectum de Fora Imperialia)
Fora Imperatorum[1] sunt series fororum monumentalium per tres dimidias saeculi (nempe inter 46 a.C.n. et 113) media Urbe ab Imperatoribus aedificata.
Ipsum Forum Romanum non inter Fora Imperialia numeratur, quae area primum tempore Regum constituta, saeculo ca. sexto, saecula erat sedes rei politicae, religiosae, et oeconomicae in Urbe. Multis et novis aedificiis et renovationibus, multis monumentis ornantibus non obstantibus Forum Romanum numquam fuit unitariae naturae. Sub Caesare et Augusto, constructio Basilicae Iuliae et restructio Basilicae Aemiliae, quae limites fori definierunt, ei quandam regularitatem dederunt.