Florianus Philippot

Florianus, vulgo Florian Philippot (in oppido Croix natus die 24 Octobris 1981) est politicus Franciae, olim Ioannis Petri Chevènement sectator, a die 12 Iulii 2012 ad 21 Septembris 2017 unus praesidum vicariorum Aciei Nationalis.

Florianus Philippot

Res apud Vicidata repertae:

Florianus Philippot: imago

Nativitas: 24 Octobris 1981; Croix
Patria: Francia

Familia

Genitores: Daniel Philippot;

Florianus Philippot anno 2011 pictus, nomenclator iuxta Marinam Le Pen merens

Filius praeceptorum, iuxta urbem Insulam et brevi temporis spatio in Lyceo Ludovici Magni educatus, Florianus Philippot alumnus est universitatis Parisiensis VIII, Scholae Studiorum Commercialium Superiorum Lutetiae in urbe, et Schola Nationalis Administrationis Argentoratensis.

A die 1 Iulii 2014 legatus est apud Parlamentum Europaeum. Mense Decembri 2014 libelli Closer Florianum Philippot consortem marem habere publicaverunt, quam rem ipse mox confirmavit. Mense Decembri 2015, candidatus ad praesidium in comitiis primariis futurae provinciae Alsatiae Campaniae Arduennae Lotharingiae, proxime accessit.

Bibliographia

• "Florian Philippot, le “gourou” de Marine Le Pen" in Les Inrockuptibles (20 Martii 2013)
• Dominique Albertini, "Jean-Marie Le Pen, Florian Philippot et le «lobby gay»" in Libération (13 Maii 2015)
• Marc de Boni, "Florian Philippot : «Il n'y a pas de lobby gay au Front national»" in Le Figaro (15 Decembris 2014)
• Florian Fayolle, "Florian Philippot, l'homme qui a dynamité le FN des Le Pen" in Challenge (9 Maii 2015)
• Marie Labat, Astrid de Villaines, Philippot Ier : le nouveau visage du Front national. Lutetiae: Plon, 2017

Nexus externi

• Pagina apud Parlamentum Europaeum