Enontekiö
Enontekiö seu Enontekio[1] (Finnice: Enontekiö, linguá Samicá Septentrionali: Eanodat, Suecice: Enontekis) est commune fere 1 870 incolarum in Lapponia Finniae situm. Nomen Enontekiö a vetere substantivo Finnico eno ('amnis') et verbo tehdä ('facere') ductum est; caput enim amnis Ounasjoki in Enontekiö situm est, velut ab Enontekiö "factum". Enontekiö etiam "bracchium Finniae" appellatur, quod Finnia apud Finnos "Suomi-neito" ('Finnia virgo') personificatur, cuius tamquam bracchium videtur. Bracchium alterum scilicet esse videtur regio Petsamo, quam Finnia virgo amisit, cum Russiae tradita est partim anno 1940 et omnino 1947.
Notae
recensere- ↑ idigbio.org ubi apparet locus “Lapponia Enontekioensis”
Nexus externi
recensere
|
Vicimedia Communia plura habent quae ad Enontekiö spectant. |