Kuwohi
| Kuwohi | |
|---|---|
 Mons Kuwohi et Meridiana Appalachiana Piceae Abietisque silva (Southern Appalachian spruce-fir forest) | |
| Altitudo | 2025 m |
| Coordinatae | 35°33′46″N 83°29′55″W / 35.56278°N 83.49861°W [1] |
| Via | Brevis ambulatio super tramitem stratum (short paved-trail hike) |
Kuwohi (olim Clingmans Dome et Clingman's Dome) est mons in Magnis Montibus Fumosis Tennesiae et Carolinae Septentrionalis, in Civitatibus Foederatis meridio-orientalibus situs. Qui mons, in elevatione 2025 m (6643 pedes), est altissimus in Fumosis, summo loco in civitate Tennesia, et summo loco secundum Tramitem Appalachianum, 3499 km (2177 milia) longum. Ad orientem Mississippii Fluvii, solum Mons Mitchell (6684 pedes) et Mons Craig (6647 pedes) sunt altiores.[2]
Kuwohi pars Vivarii Nationalis Magnorum Montium Fumosorum custoditur. Iter stratum, hieme clusum (1 Decembris ad 31 Martii),[3] eam ad Viam CFA 441 (U.S. Highway 441, ad Viam Newfound Gap) conectit. Turris observationis, concreto anno 1959 aedificata, panoramicum montium despectum quoquoversus praebet. Statio ad temptandam aeris qualitatem, a Ministerio Circumiectorum Protegendorum(en) curata, altitudine est secunda in America Septentrionali orientali.
Silva picearum abietumque Appalachiana Meridiana(en), genus silvae quod Kuwohi montem contegit, solum in summis Civitatum Foederatarum meridio-orientalium elevationibus floret, silvis ad latitudines septentrionales similius quam silvis in vallibus adiacentibus. Mons Kuwohi in terram circumdantem eminet, e radice ad culmen paene 1500 m (5000 pedes) surgens.
Notae
recensere- ↑ “Kuwohi”. Geographic Names Information System. United States Geological Survey, Ministerium Interioris Civitatum Foederatarum.
- ↑ "Para tuam commorationem" apud www.nos.gov.
- ↑ "Clingmans Dome". Great Smoky Mountains National Park: National Park Service