Desertum Victoria

Desertum Victoria^[1] (vel Desertum Victoria maius, Anglice Great Victoria Desert) est desertum Australiae (in civitatibus Australia Occidentali et Australia Australi nec in Victoria civitate situm). Area deserti 424 milia chm² est. Inter desertum Gibsoni (septentrionem versus) et Nullarborem planitiem (meridiem versus) patet.

Vide etiam paginam discretivam: Victoria

Inter colles humiles harenosos deserti Victoriae planities ad pascendum idoneae et loca vasta glareis operta (quae in Australia gibber nuncupantur) et lacus salsi iacent.

Ernestus Giles, qui anno 1875 primus Europaeorum desertum transierat, nomen Victoriae reginae Britanniarum ei dedit. Aborigines Australiani et tunc desertum incolebant et nunc incolunt.

Probationes armorum nuclearium a Britannia Maiore annis quinquagesimis et sexagesimis saeculi vicesimi in deserto Victoria perficiebantur, unde loca ²³⁹plutonio aliisque elementis radioactivis infecta manent.

Notae recensere

↑ Hedwigia, vol. 31, 1892, p. 197 (sed cf. Portus Victoriae).

Nexus externi recensere

Situs geographici et historici: Locus: 29°9′8″S 129°15′35″E, 28°30′0″S 127°45′0″E • GeoNames • Thesaurus Getty • Большая российская энциклопедия

quae deserta in Australia inveniantur

[1] Hedwigia, vol. 31, 1892, p. 197 (sed cf. Portus Victoriae).

[1]