David Malpass

David Malpass, vulgo plene David Robert Malpass (Petoskey in oppido Michiganiae die 8 Martii 1956 natus), est oeconomus Civitatum Foederatarum et ex die 9 Aprilis 2019 praeses Argentariae mundanae.

David Malpass

Res apud Vicidata repertae:

David Malpass: imago

Nativitas: 8 Martii 1956; Petoskey
Patria: Civitates Foederatae Americae

Alumnus est Collegii Coloratensis, ubi scientiae physicae, Universitatis Denveriensis, ubi administrationi commercii, Universitatis Georgiopolitanae, ubi oeconomiae inter civitates studuit. Tam apud societates commercii quam iuxta factionem Republicanam operam dedit: oeconomus principalis argentariae Bear Stearns ab anno 1993 usque in 2008 meruit, quo anno haec societas subito defecit, inter primas discriminis vectigalium mundani^(en). Commentationes de rebus oeconomicis apud Forbes et Wall Street Journal nonnumquam edidit. Candidaturas praesidales Georgii W. Bush et praeter alias Donaldi Trump, qui comitiis anni 2016 contendebat, adiuvit. Trump vicissim, iam praeses electus, Davidem Malpass secretarium a rebus internationalibus Thesauri Civitatum Foederatarum anno 2017 promovit, atque anno 2019 ad officium praesidis Argentariae mundanae proposuit.

Scripta selecta

• 2012 : "Sound Money, Sound Policy" in Brendan Miniter, ed., The 4% Solution: Unleashing the Economic Growth America Needs^(en) (George W. Bush Institute: Crown Business)
• 2016 : "Why This Economy Needs Donald Trump" in New York Times (1 Septembris 2016) Situs venalis

Bibliographia

• Russ Choma, "Trump’s Economic Adviser Said the Economy Was Fine—Right Before It Imploded," Mother Jones, 5 Augusti 2016.
• Fiona Harvey, "Head of World Bank under pressure after White House condemns his ‘climate denial’ comments," The Guardian, 25 Septembris 2022.
• David Lawder, "New World Bank boss vows to keep climate goals, evolve China relationship," Reuters, 10 Aprilis 2019.
• Jim Zarroli, "Trump Nominates Outspoken Critic David Malpass To Head World Bank," NPR, 6 Februarii 2019.

Nexus externi

• "David Malpass" apud Argentariam mundanam

Praesides Argentariae mundanae