Cornelius van den Heuvel

Cornelius ("Cor") van den Heuvel (natus Biddefordiae Cenomannicae die 6 Martii 1931) est poeta haicuisticus, editor, interpres, et archivista Americanus. In Cenomannica et Nova Hantonia adolevit. Novi Eboraci cum Leonia "Leigh" Larrecq uxore habitat.

Tres annos in Classi Aeria Civitatum Foederatarum meruit, et gradum baccalaureatum anno 1957 in Universitate Neo-Hantoniensi accepit. Gradum M.A. in Universitate Neo-Eboracensi anno 1968 accepit.

In haicu Franciscopoli anno 1958 incidit cum Gary Snyder hoc genus in acroasi poetico commemoraret. Nonnullorum suorum haicu libros protulit, inter quos unus de basipila. Editor fuit trium The Haiku Anthology editionum: primae a Doubleday 1974, secundae a Simon & Schuster 1986, tertiae a Norton anno 1999 prolatae. Operam Newsweek magazinae dedit usque ad 1988, cum in otium veniret.

Opera

• The Haiku Anthology (editor), editio 1a, Anchor Books, 1974, ISBN 9780385094740.
• The Haiku Anthology (editor), editio 2a, Simon and Schuster, 1986, ISBN 0671628372.
• The Haiku Anthology (editor), editio 3a, Norton, 1999, ISBN 0393321185.
• Past Time: Baseball Haiku (editor, cum Iacobo Kacian), Red Moon Press, 1999, ISBN 9781893959071.
• Play Ball: Baseball Haiku (auctor), Red Moon Press, 1999, ISBN 9781893959064.
• Baseball Haiku (editor, cum Nanae Tamura), Norton, 2007, ISBN 9780393062199.
• A Boy's Seasons: Haibun Memoirs, poemata autobiographica (auctor), Single Island Press, 2010, ISBN 9780974089584.

Nexus externi

• Autobiographia brevis. Amazon.com.
• Biographia. Haiku International Association.
• "Writer Profile: Cor Van den Heuval" (sic). Millikin University Haiku.