Coqui haedulum parant (pictura muralis Romana)

Coqui haedulum parant in pictura murali saeculi I p.C.n. Romana. Haec pictura e ruina quadam villae rusticae annis circiter 1860-1869 extracta est iuxta Boscum Regalem et haud longe a Vesuvio monte distantis, ab ignibus huius montis anno 79 destructae. Fragmentum murale, dimensionibus 69.5 x 127.0 x 3.5 cm, hodie in aula 101D villae Getty ostenditur.

Coqui haedulum parant: pictura muralis saeculi I p.C.n. Romana (Villa Getty)

Pars eiusdem picturae: Patella condimentorum

Pars eiusdem picturae: Coqui

Ab eruditis artium Romanarum haec pictura annis fere 70-80 p.C.n. attribuitur. Coquos monstrat qui animal parvum eviscerant ad ferculum parandum. Si capreolum sit, luxuriam cenae futurae praefigurat e venatione praebitae; si haedulum, e sacrificio animalis nondum maturi.

Nexus externi

• Catalogus Musei Getty

Bibliographia

• Andrew Dalby, Sally Grainger, The Classical Cookbook (Londinii: British Museum Press, 1995) p. 110
• Denise Dersin et al., edd., What Life Was Like When Rome Ruled the World (Richmond, Virginia: Time-Life Books, 1997) pp. 62–63

De hac re nexus intervici usque adhuc absunt. Adde, si reppereris.