Collegium Walckendorphianum

Collegium Walckendorphianum (Danice Valkendorfs Kollegium) in Europa septentrionali collegium veterrimum est, situm Hafniæ in Via Sancti Petri 14 (Danice: Skt. Peders Stræde 14). Fundator collegii est nobilis Christophorus Walckendorphius (Dance: Christoffer Valkendorf), qui collegium die 26 Februarii 1589 constituit. Hodie 22 alumni in collegio in suo conclavi habitant. Etiam sponsi aut sponsae alumnorum in collegio habitare possunt. Collegium Walckendorphianum societatem habet cum et Collegio Elersiano et Collegio Mediceo et Collegio Regio. Societas eorum "Societas Collegiorum anno 1983 Fundata" (Danice: Kollegiesamvirket af 1983) appellata est.

Nulla Vicipaediae Latinae pagina huc annectitur.

Quaesumus in alias commentationes addas nexus ad hanc paginam relatos. Quo facto hanc formulam delere licet.

Català: No hi ha cap article a la Viquipèdia en llatí que enllaci amb aquest. Si us plau, aneu a una pàgina relacionada amb el tema i afegiu-hi un enllaç que dirigeixi el lector cap aquí. Un cop ho hagueu fet, podreu esborrar la plantilla.
Deutsch: Kein anderer Artikel der lateinischen Vicipaedia verweist auf diesen. Bitte füge in einem nahverwandten Artikel einen Verweis hierhin ein. Sobald dies geschehen ist, kann diese Vorlage entfernt werden.
English: No other page on the Latin Vicipaedia links to this. Please go to a closely related page and insert a link pointing here. Once that is done, this header can be deleted.
Esperanto: Neniu alia paĝo de la latinlingva Vikipedio havas ligilon al tiu ĉi paĝo. Bonvolu iri al teme proksima artikolo kaj meti ligilon tien ĉi. Poste vi rajtas forigi la atentigilon pri ligilmalĉeesto.
Italiano: Nessun'altra pagina sulla Wikipedia in latino si collega a questo articolo. Vai a una pagina strettamente correlata e inserisci un link che punta qui. Fatto ciò, questa intestazione può essere cancellata.

Historia collegii

Ante reformationem Daniae collegium fuit monasterium, ubi Carmelitae et Cistercienses habitaverunt. Cleri multos studiosos universitatis adiuverunt. Sed Dania se in Protestantismum commutavit anno 1536, et cleri catholici studiosos universitatis non diutius adiuverunt. Christophorus Walckendorphius monasterium desertum emit, ut collegium anno 1589 constitueret.

Anno 1728 et 1795 magnum incendium Hafniæ fuit. Ignis magnam partem collegii ussit. Quamquam collegium reaedificatum est, "collegium obscurum" appellatum est. Anno 1865 monasterium vetus destructum est. Nova domus collegii anno 1866 aedificata est ab architecto Christiano Hansenio (Danice: Christian Hansen)

Ephori Collegii et novi alumni

Ephorus est summi magistratus collegii, et legum collegii observantiarum custos est. Ius eforo est alumnos novos creare, sed hodie eforus cum inspectore liminis eos creat. Studiosi alumni creari possunt, si in Universitate Hafniensi aut in Schola Polytechnica Danica (Danice: Danmarks Tekniske Universitet) student, et si per duos annos studuerunt. Ephorus praesens est Øjvind Moestrup, professor biologiae marinae in Universitate Hafniensi.

Collegium Walckendorphianum anno 1749

Domus Collegii

Domus Collegii Walckendorphiani quattuor tabulata et fundamentum habet. In humi tabulato cubicula communia sunt: lectorium (id est atrium), habitatio rubra (id est bibliotheca), parvum cinemateum. In omnibus tabulatis culinae latrinaeque sunt. Collegium maximum hortum habet, in quo inter alia follis volatilis luditur.

Walckendorphiana

Quotannis in memoriam Christophori Walckendorphii alumni diarium "Walckendorphiana" appellatum edunt. De multis rebus in "Walckendorphiana" scribitur, exempli gratia: de alumnis illustribus, de carminibus bibendi, de historia collegii et cetera. Etiam in "Walckendorphiana" photographiae et novae et veteres sunt. Valkendorfiana legi potest in situ interretiali.

"In memoriam Christophori Walckendorphii" est carmen bibendi a Carolo Lund scriptum, qui alumnus in Collegio Walckendorphiano inter annos 1913-1917 erat:

Ave Maecenas noster Christophore

Domus fundator Walckendorphianæ! ...

Inspectores Collegii

Omnes alumni magistratu funguntur, et quotannis mense Septembri alumni inspectores creant, exempli gratia:

Duo Inspectores Collegii, ut duo consules Romae, collegio praesunt.
Custodes culinae et latrinis et culinis praesunt, et chartas hygienicas collegio emunt.
Inspectores Horti horto collegii praesunt.
Inspectores Societatis Walckendorphiani omnes alumnos, qui in collegio aut habitant aut habitaverunt, in cenam quotannis invitant.
Inspector alcoholis cervesiis vinisque praeest.

Alumni illustres

B. S. Ingemann
H. Bang
H. Stampe
N. F. S. Grundtvigius (Danice: Grundtvig)

Bibliographia

Valkendorfs Kollegiums Historie - Fra dets oprettelse 1588 og indtil 1865 (a H. Jørgen Helms, anno 1917)
Valkendorfs Kollegium efter 1865. Udgivet af Valkendorfianersamfundet i anledning af Valkendorfs Kollegiums 350 års jubilæum den 26. februar 1939 (ab E. Dige, A. Gøtzsche, A. Holgersen, H. T. Physant, anno 1939)
Valkendorfs Kollegium 1939-1989 (a Karen Marie Breindahl; Thomas Frank Møller, anno 1989)

Nexus externi

Situs interretialis Collegii Walckendorphiani