Codex Aleppensis

Codex Aleppensis fuit usque ad annum 1947, cum laesus est, antiquissimum exemplar integrum Bibliorum Hebraicorum, quod textum a Masoretis elaboratum praebet. Nunc 295 ex pristinis 487 (secundum alios: 480) foliis continet et Hierosolymis in Museo Israelis in Sanctuario Libri asservatur. Anno 2016, UNESCO codicem Aleppensem in memoriam mundi regissit.

Origo

Consonantes codicis circa annum 920 in vel prope Tiberiam (Israel) a librario Sch'lomo ben Buya'a exscriptae sunt. Tum textus ab Aaron ben Mosche ben Ascher diligenter examinatus, vocalizatus et notis Masoreticis auctus est. Ben Ascher fuit ultimus et notissimus homo gentis Ben Ascher ex Tiberia, qui accuratissimam Masorae et igitur Veteris Testamenti lectionem elaboravit.
Codex a prinicipio exemplari esse debebat. Solis sollemnitatibus Pascha, Hebdomadarum et Tabernaculorum ex eo recitabatur; alias Bibliorum peritis quaestionibus solvendis servibat.

Quae post codicem laesum contineatur

Initium et finis manuscripti nec non singulae paginae mediae desunt.

Textus hodiernus ultimo verbo versus Deuteronomii 28,17 (ומשארתך, "et pistrinum tuum") incipit.

Sequuntur libri Iosue, Iudicum, 1. Samuelis, 2. Samuelis, 1. regum, 2. regum, Isaiae, Ieremiae, Ezechielis, Osee, Ioel, Amos, Michaeae, Nahum, Habacuc, Sophoniae, Zachariae, Malachiae, 1. Paralipomenon, 2. Paralipomenon, Psalmorum, Iob, Proverbiorum, Ruth, Cantici Canticorum.

Ultimum folium verbis בנות ציון ("filiae Sion") in Cantico Canticorum 3,11 finitur.

Desunt: Finis Cantici Canticorum, Ecclesiastes, Lamentationes, Esther, Daniel, Esdra, Nehemia.

Nexus interni

• Codex Cairensis
• Codex Leningradensis

Bibliographia

• Ernst Würthwein: Der Text des Alten Testaments. Eine Einführung in die Biblia Hebraica. 4. ed. aucta. Württembergische Bibelanstalt, Stuttgardiae 1974, ISBN 3-438-06006-X.

Nexus externi

Vicimedia Communia plura habent quae ad Codicem Aleppensem spectant.

• The Aleppo Codex Website Textus integer (situs adhuc in statu nascendi)
• The Aleppo Codex - Mikraot Gedolot Haketer (Hebrew)
• The History and Authority of the Aleppo Codex, a Yosef Ofer (pdf, Anglice; 182 kB)
• The Jerusalem Crown and Its Editorial Principles, a Yosef Ofer (pdf, Anglice; 119 kB)
• Israel Museum, Sanctuarium Libri, Anglice
• Textus Codicis Aleppensis Download gratis datum pro MyBible (Freeware)
• Historia Codicis Aleppensis, Anglice