Claudius Espencaeus
Claudius Espencaeus (Francogallice Claude Togniel, sieur d'Espence, natus anno 1511 Durocatalauni et mortuus Lutetiae die 5 Octobris 1571) fuit theologus et humanista Francogallicus, orator et poeta Latinus.
Claudius Espencaeus
Obitus: 5 Octobris 1571; Lutetia
Patria: Francia
Memoria
Vita
recensereIn familia nobili natus et in diversis collegiis Universitatis Parisiensis educatus, hic doctor theologiae agnitus est anno 1542. Homiliis et orarionibus suis famosus fuit. Ab anno 1542 a secretis cardinalis Ioannis de Lotharingia; Concilii Tridentini particeps erat et multarum aliarum disputationum theologicarum. Disputatio eius contra Theodorum Bezam protestantem nota est. Multa scripsit opera Theologica Francogallice et Latine; carmina Latina componebat et preces catechesimque versibus exposuit nec non Heroidum sacrarum librum conscripsit.
In sepulchro Espencaei in ecclesia sanctorum Cosmae et Damiani Lutetiensis epitaphia sic dicit:
- Nobilissimo, piissimo, omnique disciplinarum genere cumulatissimo Domino Claudio Espencaeo, theologorum hujus saeculi facile principi; paterno quidem ex genere, ex clarissimo Espencaeorum; materno, illustri Ursinorum familia orto; Divini Verbi praeconi celeberrimo, pauperum patri benignissimo; qui cum per 46 annos continuos in hac prima omnium Academia litteris humanioribus, philosophicis, et divinis operam cum omnium incredibili admiratione navasset, a rege christianissimo Francisco primo Melodunum, ab Henrico secundo Bononiam, a Francisco secundo Aureliam, a Carolo nono Pissiacum, religionis componendae ordinandaeque nomine, inter primos hujus augustissimi regni proceres partim legatus, partim orator, de re Christiana invictissime doctissimeque disceptasset, permultos in Sacrosanctam Scripturam edidisset; tandem gravissimo calculi morbo diu multumque vexatus, cum omnium principum, senatorum, nobilium plebeiorumque luctu ac desiderio obiit anno aetatis 60. die 5. octobris 1571.
Opera Latina
recensere- Concio synodalis de officio pastorum (oratio anni 1534 edita anno 1561) ;
- De ablutione pedum ad Cenam Domini praeparatoria (oratio anni 1537);
- Sermo de triplici Francorum Liliorum incremento, hoc est I. litterarum, II religionis, III armorum (oratio anni 1541);
- Præfationes tres: I. De silentio & unitate Ecclesiae; II. De vi Verbi Dei in sacris mysteriis; III. Quod principem litterae deceant (Lutetiae, 1561) ;
- Urbanarum meditationum in hoc sacro & civili bello elegiae duae (Lutetiae, 1563) ;
- Commentarius in Epistolam Primam ad Timotheum cum digressionibus (Lutetiae, 1561) ;
- Commentarius in Posteriorem Epistolam ad Timotheum cum digressionibus (Lutetiae, 1564) ;
- Commentarius in Epistolam ad Titum cum digressionibus (Lutetiae, 1568);
- De librorum suspectorum lectione tractatus
- De clandestinis matrimoniis concilium (Lutetiae, 1561)
- Sacrarum Heroidum liber (Lutetiae, 1564)
- De continentia libri sex (Lutetiae, 1565)
- De cælorum animatione (Lutetiae, 1571) (de libro Gaspari Contarini)
- Collectarum ecclesiasticarum liber unus (Lutetiae, 1566) (preces versibus expositae)
- Institutum christiani hominis (Lutetiae, 1570) (catechesis versibus composita)
- De Eucharistia eiusque adoratione libri quinque (Lutetiae, 1573) ;
- Libellus de privata et publica missa
Sacrarum Heroidum Espencaei index
recensereNotae
recensere- ↑ Libri Actorum Ioannis persona, ab apostolo resuscitata.
- ↑ Aethiopes, personae Passionis sancti Matthaei
Bibliographia
recensere- Édouard de Barthélemy, Études biographiques sur Claude d'Épense, David Blondel et Perrot d'Ablancourt, nés à Châlons-sur-Marne, Durocatalauni, 1853.
- Henry Outram Evennett, « Claude d'Espence et son Discours du colloque de Poissy. Étude et texte », Revue historique, t. 64, fasc. 1, 1930, p.40-78.
- Alain Tallon (dir.), Un autre catholicisme au temps des réformes? Claude d'Espence et la théologie humaniste à Paris au xvie siècle (actes d'un colloque à la Sorbonne), Brepols, Turholti, 2010, [1].
Nexus externi
recensere|
|
Lexica biographica: • Deutsche Biographie • |