Chronica maiora (Paris)

Chronica maiora sunt opus principale Matthaei Parisiensis rerum gestarum scriptoris, nobis in tribus libris a manu auctoris ipsius scriptis servatum, historiam orbis terrarum complectens a mundo creato usque ad annum 1259. Volumina duo in bibliotheca Parkeriana reperiuntur in Collegio Corporis Christi apud Cantabrigienses, siglis CCCC 26 et CCCC 16 recogniti. Volumen tertium in Bibliotheca Britannica exstat sub siglo BL Royal 14.C.vii. Exemplar alterum chronicorum a mundo creato usque ad annum 1250 tantum, ab amanuense quodam exscriptum, correctionibus necnon expurgationibus Matthaei posterioribus carentibus, in Bibliotheca Britannica sub siglo BL Cotton Nero D.v reperitur.

Elephas Cremonensis a Matthaeo Parisiensi pictus: CCCC 16 fol. 151v

Rex Ludovicus IX aegrotans Cruce signatur: BL Royal 14.C.vii fol. 137v

Quibus iungendum est "Liber additamentorum", scilicet opusculorum et documentorum ad Chronica complenda congessorum, in volumine manu scripto BL Cotton Nero D.i servatus. Is liber continet:

• Vitae duorum Offarum
• Gesta abbatum Sancti Albani
• Documenta nonnulla

Bibliographia

Editiones et versiones

• H. R. Luard, ed., Matthaei Parisiensis, monachi Sancti Albani, Chronica majora. 7 voll. Londinii, 1872-1884 Rolls Series 1 2 3 4 5 6 (additamenta) 7 (index, glossarium)
• Richard Vaughan, interpr., The Illustrated Chronicles of Matthew Paris. Stroud: Alan Sutton, 1993. ISBN 978-0-7509-0523-7 (Versio imperfecta)

Philologica et critica

• H.-E. Hilpert, Kaiser- und Papstbriefe in den Chronica maiora des Mattheus Paris. Stutgardiae, 1981

Nexus externi

Vicimedia Communia plura habent quae ad Chronica maiora spectant.