Caseus ovillus Pyrenaicus

Caseus ovillus Pyrenaicus, Francogallice Brebis des Pyrénées (interdum Tomme de brebis videmus sine nomine montium) est varietas casei in vallibus septentrionalibus montium Pyrenaeorum (civitatis Franciae) proveniens. Tales casei e lacte ovino confecti formam rotundam habent et massam albicantem. Alii sub appellatione Ossau-Iraty (Vasconice Ossau Irati) reperiuntur, alii sub signo mercatorio Etorki; qui nullam appellationem portant interdum saporem habent fortiorem.

Caseus Tomme de brebis in nundinis venundatus (ad dextram partem imaginis, polythenio inclusus)

Casei Vasconici in Hispania venundati, quorum duo vel tres in Francia confecti, e.g. Ossau Irati

Caseus Ossau-Iraty

Ossau-Iraty et alii quinque casei ad cenam parati

Nomina protecta

• Caseus sub nomine Ossau-Iraty in civitatibus Europaeis venundatus debet in regione delimitata et in modis definitis fieri; ab anno 1980 appellationem in Francia verificatam portabat et ab anno 2009 appellationem in Europa protectam monstrat.
• Caseus sub signo mercatorio Etorki a societate Bongrain conficitur.

Nexus externi

• De caseis Pyrenaicis
• De contentione caseorum Pyrenaicorum e lacte crudo confectorum
• De caseo Ossau-Iraty
• Colloquium interretiale de appellatione Ossau-Iraty
• De appellationibus lacticiniis Francicis (Francogallice)
• De appellationibus lacticiniis (Francogallice)