Bernardus de Tribus Viis

B[ernardus] de Tribus Viis (Francogallice a posterioribus Bernard de Tréviez seu Tréviers nuncupatus) ille est qui ad tympanum portae Ecclesiae Cathedralis Magalonensis versus Latinos hexametricos aut exaravit aut exarari iussit:

Versus Latini in tympano portae inscripti

Ad portam vite • sitientes quique venite:

Has intrando fores • vestros componite mores:

Hinc intrans ora • tua semper crimina plora:

Quicquid peccatur • lacrimarum fonte lavatur.

B D III Viis fecit hoc anno inc. do. (M)CLXXXVIII

Multi saeculis XVII, XVIII, XIX asseverabant idem Bernardum recensionem antiquissimam romancii Pierre de Provence et la belle Maguelonne Occitane composuisse, sed falso ut videtur. Fabula enim saeculo XIV, neque antea, Francogallice scripta est.

Bibliographia

• "Treviez (ou Treviers), Bernard de" in Louis Moreri, Supplément au Grand dictionnaire vol. 2 (Lutetiae, 1749) p. 582
• Sabine Baring-Gould, In Troubadour-Land (Londinii: W. H. Allen, 1891) pp. 227-236
• Alfred Coville, La vie intellectuelle dans les domaines d'Anjou-Provence de 1380 à 1435 (Genavae: Slatkine, 1941) (pp. 463-470 apud Google Books)
• Pierre Gariel, Idée générale de Montpellier (Montepessulano, 1665) pars 1 p. 78

De hac re nexus intervici usque adhuc absunt. Adde, si reppereris.