Ayman al-Ṣafadī

Ayman al-Ṣafadī seu litteris Arabicis أيمن الصفدي (in urbe al-Zarqāʿ natus anno 1962) est diurnarius et politicus Iordaniae.

Ayman al-Ṣafadī alumnus est universitatum Yarmūk (Arbelae in urbe Iordaniae) et Baylor (apud Waco in Texia). Hic arti diurnariae studuit. Diurnarius deinde operam dedit in Abu Dhabi, ubi mox director factus est societatis divulgatoriae Abu Dhabi Media Company. Postea in civitate natali director generalis fuit Jordan Radio and Television Corporation. In re politica primus minister vicarius, orator regiminis, consiliarius apud regem Abdullah II iam meruit. Die 15 Ianuarii 2017 minister a rebus externis creatus est, antecessore Nāṣir Ǧūda, primo ministro Hanī al-Mulqī.

Nexus externi

Vita apud World Economic Forum

Ministri rerum externarum Iordanenses (1997–)


Fāyiz al-Ṭarāwina 1997 • Jawad Anani 1998 • ʿAbd al-Ilāh al-Ḫaṭīb 1998 • Marwan Muasher 2002 • Hanī al-Mulqī 2004 • Farouk Kasrawi 2005 • ʿAbd al-Ilāh al-Ḫaṭīb 2005 • Salah Bashir 2007 • Nāṣir Ǧūda 2009 • Ayman al-Ṣafadī 2017 Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Iordaniae