Apollinaris Kyélem de Tambèla

politicus

Apollinaris Kyélem de Tambèla, praenominibus plenis vulgaribus Apollinaire Joachim (Koupéla in oppido anno 1958 natus) est advocatus, diurnarius, etiam his diebus politicus Burkina Faso.

Wikidata Apollinaris Kyélem de Tambèla
Res apud Vicidata repertae:
Apollinaris Kyélem de Tambèla: imago
Apollinaris Kyélem de Tambèla: imago
Nativitas: 11 Iunii 1958;
Patria: Burkina Faso

Filius praeceptoris Catholici, seminarium Baskouré in oppido frequentavit. Gradum doctoris iurum apud universitatem Nicaeensem in Francia anno 1987 ascendit, dissertatione Coopération et développement autocentré: le cas du Burkina Faso rite recepta: iam ab hoc tempore inter admiratores Thomae Sankara innotuit. Lector fuit universitatis Uagaduguensis et Scholae nationalis administrationis et magistraturae in eadem urbe. Commentaria politica in diariis scribit, pseudonymo praefixo; saepe opiniones suas in programmatibus televisificis profert. A die 21 Octobris 2022 primus minister a praeside Ibrahim Traoré creatus est quamquam antea paucis diebus abolitionem officii primi ministri ipse postulaverat.

Scripta recensere

Bibliographia recensere

Nexus externi recensere