3rd Rock from the Sun

3rd Rock from the Sun (Latine sc. Saxum a Sole tertium, i.e. Tellus) fuit comoedica series televisifica Americana annis 1996–2001 a canali NBC emissa.

Insigne seriei et actores principales

Argumentum

Series enarrat de quattuor extraterrestribus ad Tellurem, ut planetam investigarent, missis. Ut vitam moresque humanas observare possint, illi in speciem humanam se transformaverunt.

Personae principales

• Richardus Solomon (vulgo:Dick) praeses turmae extraterrestralium est sui studiosus, infantilis, ingeniosus sed, ut alii socii turmae, insciens morum consuetudinisque hominum. In universitate physicae docet et collegae suae Mariae (vulgo: Mary) Albright amore captus est. Partes Richardi a Ioanne Lithgow agitur.

• Sally Solomon vere est succenturio, sed in Tellure mulieri et sorori Richardi simulare est coacta. Amore inconstanti capta est Donaldi (vulgo:Don) Orville vigilis. Partes Sally a Christina Johnston agitur.

• Harrius Solomon (vulgo:Harry), frater Richardi et Sally, vir stultissimus videtur, cui est quoddam transmissorium in capite. Etsi fatuus et insolitus est, tamen ut a mulieribus interdum adametur, ei contigit. Partes Harrii a French Stewart agitur.

• Thomas Solomon (vulgo:Tommy) simulat filio Richardi; reapse quidem veterrimus est turmae sociorum. Etsi callidus et sapiens, imperitus tamen est cum puellis sermocinandi; quae quidem ei magnopere placent. Partes Thomae a Iosepho Gordon-Levitt agitur.