Ḥasan al-Kharrāṭ

Hasanus al-Kharrāṭ, vulgo plene ʾAbū Muḥammad Ḥasan al-Kharrāṭ (Arabice حسن الخراط; natus anno 1861,^[1] mortuus die 25 Decembris 1925) fuit unus ex primis ducibus magnae rebellionis Syriacae adversus Mandatum Francicum factae. Praecipue Damasci et in Ghouta terris suburbanis operatus est. In certamine interfectus, heros a Syriis habetur.^[2]

Suadetur ut haec commentatio ad "Hasanus al-Kharrāṭ" moveatur.

Sententiam tuam, quaesumus, profer in pagina disputationis^📨.

English language

English

It is proposed to move this page to Hasanus al-Kharrāṭ. Please give your opinion on the talk page.

Deutsch

Es wurde vorgeschlagen, diese Seite nach Hasanus al-Kharrāṭ zu verschieben. Um Stellungnahme auf der Diskussionsseite wird gebeten.

Esperanto

Rekomendatas la movo de tiu ĉi paĝo al Hasanus al-Kharrāṭ. Vi estas petata komenti prie en la diskutejo.

Al-Kharrat, qabaday (dux puerorum) regionis Damascenae al-Shaghur, cum Nasib al-Bakri, nationalista maximae regionis familiae, coniunctus est. Ab al-Bakri mense Augusto 1925 in rebellionem vocatus, turmam pugnatorum al-Shaghur aliarumque regionum congregavit. Impetum contra Damascum duxit. Breviter domum Mauritii Sarrail, legatum (altum commissarium) Francicum, cepit, sed inter bombas Francicas recessit.

Anno 1925 exeunte, invidia aucta est inter al-Kharrat et alios rebellionis duces, praecipue Sa'id al-'As et Ramadan al-Shallash, cum inter se de pagorum diripiendorum vel pecuniae ex paganis extorquendis accusarent. Al-Kharrat operari in Ghouta perseveravit, ubi tandem in insidiis Francicis interfectus est. Rebellio anno 1927 dissipata est, sed al-Kharrat, pro libertate Syrica mortem occumbens, famam durabilem cepit.

Notae

↑ Annus natalis secundum Sami Moubayed et Hanna Batatu (Moubayed 2006, p. 381; Batatu 1999, p. 368); Michael Provence autem dicit al-Kharrat anno 1925 annos 50 agere, ergo anno 1875 natum esse (Provence 2005, p. 100).
↑ Provence 2005, p. 119.

Bibliographia

Batatu, Hanna (1999). Syria's Peasantry, the Descendants of Its Lesser Rural Notables, and Their Politics. Princetoniae Novae Caesareae: Princeton University Press. ISBN 0-691-00254-1
Khoury, Philip S. (1987). Syria and the French Mandate: The Politics of Arab Nationalism, 1920–1945. Princeton University Press. ISBN 0-691-05486-X
Khoury, Philip S. (2006). "Abu Ali al-Kilawi, A Damascus Qabaday". Struggle And Survival in the Modern Middle East (Second ed.). Londinii: University of California Press. ISBN 0-520-24661-6
Gelvin, James L. (1998). Divided Loyalties: Nationalism and Mass Politics in Syria at the Close of Empire. Londinii: University of California Press. ISBN 0-520-21069-7
Moubayed, Sami (2006). Steel and Silk: Men and Women who Shaped Syria 1900–2000. Seattli: Cune Press. ISBN 1-885942-41-9
Neep, Daniel (2012). Occupying Syria Under the French Mandate: Insurgency, Space and State Formation. Novi Eboraci: Cambridge University Press. ISBN 1-107-00006-8
Provence, Michael (2005). The Great Syrian Revolt and the Rise of Arab Nationalism (First ed.). Austiniae Texiae: University of Texas Press. ISBN 0-292-70635-9

Nexus externi

Vicimedia Communia plura habent quae ad Hasanum al-Kharrāṭ spectant.

[comm-1] Annus natalis secundum Sami Moubayed et Hanna Batatu (Moubayed 2006, p. 381; Batatu 1999, p. 368); Michael Provence autem dicit al-Kharrat anno 1925 annos 50 agere, ergo anno 1875 natum esse (Provence 2005, p. 100).

[Provence119-2] Provence 2005, p. 119.

[1]

[2]