Sinus Ieniseensis
Sinus Ieniseensis[1] (Russice Енисейский залив) est sinus longus maris Karensis, aestuarium fluminis Ieniseae. In territorio Crasnoiarensi Russiae inter paeninsulam Gydaënsem et litus continentale, quod ad Taimyrem ducit, situs est. Longitudinem plus 225 chm, latitudinem in introitu 150 chm, et profunditatem ad 20 m habet.
Insula Sibiriakovii[2] satis magna medio introitu a mari in sinum iacet. Insula Dickson, ubi Dickson portus situs est, ad litus orientale huius introitus adiacet.
A saeculo XVII nautis notus est.
Notae recensere
- ↑ Flora Arctica. Polypodiaceae-Butomaceae,1960, p. 92. De forma adiectivi cf. nomen flumnis et binomina Viola jeniseensis, Silene j., Ursus arctos j., Martes zibellina j. etc. "Index Jeniseensis" est Gmelinii manuscriptum ineditum, № 1084.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Сибирякова.
Nexus externi recensere
|
Situs geographici et historici: Locus: 72°18′0″N 80°30′0″E • GeoNames • Thesaurus Getty • Большая российская энциклопедия |