Panionium

Panionium fuit delubrum commune confoederationis civitatum Ionicarum in monte Mycale situm et Posidoni Helikonio dicatum. Ibi Panionia feriae in honorem dei celebrabantur atque simul legati civitatum de rebus communibus deliberabant. Ita anno 494 a.C.n. defectio a Persis decreta est. Ipsa confoederatio saepe eodem verbo designatur quae secundum Marmor Parium iam undecimo saeculo a.C.n. condita erat..

Mons Mycale ex insula Samo spectatus.

Initio duodecim civitates illius amphictyoniae fuere ː Miletus, Myus, Priene, Ephesus, Colophon, Lebedos, Teos, Clazomenae, Erythrae, Phocaea, Chios et Samos. Tertia decima accessit Smyrna postquam Colophonii exsules in moenia recepti priores incolas Aeoles expulerunt (VI saec. a.C.n. ?).

Fontes

• Herodotus, Clio 141-148 et 170; Erato 7
• Strabo, Geographica VIII.7.2
• Vitruvius IV.1.4

Plura legere si cupis

• Alexander Herda, "Panionion-Melia, Mykalessos-Mykale, Perseus und Medusa. Überlegungen zur Besiedlungsgeschichte der Mykale in der frühen Eisenzeit^{[nexus deficit]}", Istambuler Mitteilungen 2006 ː 43-102
• Gerhard Kleiner, Peter Hommel; Wolfgang Müller-Wiener, Panionion und Melie, Berolini, deGruyter, 1967
• Thomas Lenschau, "Die Gründung Ioniens und der Bund am Panionion", Klio, 1944 ː 201-237.
• Franciscus Sokolowski, "Règlement relatif à la célébration des Panionia", Bulletin de Correspondance Hellénique 1970 ː 109-112
• Ulrich von Wilamowitz-Moellendorff: "Panionion". In: Sitzungsberichte der Königlich Preussischen Akademie der Wissenschaften, 1906 ː 38–57.