Vicipaedia:Nuntii

2024

Franciscus Bayrou anno 2010

• 13 Decembris: Franciscus Bayrou a praeside rei publicae Emmanuele Macron primus minister Franciae nominatus est.
• 8 Decembris: Post bellum civile undecim annos in Syria gestum, per quod sexties centena milia hominum necati sunt, rebelles dictatorem Baššār al-Asad depellunt.

Cathedralis Parisiensis incensa (2019)

• 7 Decembris: Ecclesia Cathedralis Nostrae Dominae Parisiensis incendio anno 2019 graviter laesa solemniter reaperitur.
• 14 Novembris: Ingens corallium longitudine 34 metrorum iuxta Insulas Salomonis in mari inventum est. Hoc est maximum omnium coralliorum adhuc notorum.
• 6 Novembris: Donaldus Trump iterum praeses Civitatum Foederatarum Americae electus est; post Stephanum Grover Cleveland secundus est praeses, qui in Domum Albam post quattuor annos revertit.

Hippolytus et Phaedra in tabula picti

• 24 Octobris: Nova domus ornata Pompeiis invenitur.

Cursus hurracani Milton

• 9 Octobris: Hurracanum Milton partem Floridae devastavit et 16 homines necavit. Tres miliones domiciliorum fluento electrico carebant.

Mahometus Ionas

• 8 Augusti: In Bangladesa post seditionem studentium Mahometus Ionas ut Primus minister temporalis iusiurandum iurat.

Bursa vetus Hafniae

• 26 Iulii: Lutetiae ad ripas Sequanae Ludorum Olympiorum dedicationis ceremonia datur.

Keir Starmer

• 5 Iulii: Keir Starmer, praeses factionis Laboris, ab rege Carolo III primus minister regni Britanniarum nominatur.

Helicopterum in volatu ultimo

• 19 Maii: Ibraimus Ra’īsī Iraniae praeses helicoptero in montibus Atropatenae Orientalis rupto perit.

Bursa vetus Hafniae

• 16 Aprilis: Bursa vetus Hafniae saeculo decimo septimo exstructa flammis deletur.
• 13 Aprilis: Irania plus quam 300 missilia in Israël excutit. Plurima eorum ab Israël, eius sociis necnon Iordania intercipiuntur; aliqua stationes militares leviter laedunt. A partibus praecipitantibus autem puella quaedam graviter laeditur.

Vladimirus Putin

• 17 Martii: Vladimirus Putin quintum praeses Foederationis Russicae eligitur

OTAN

• 7 Martii: Suecia tricesimus secundus socius Civitatibus Foederis Atlantici Septentrionalis (OTAN) accedit.

Alexius Navalnyj

• 16 Februarii: Alexius Navalnyj, politicus et corruptionis investigator Russicus, moritur incarceratus in urbe Charp in Russiae districtu autonomo Iamalo-Nenetico sita.

Alexander Stubb

• 11 Februarii: Alexander Stubb praeses Finniae eligitur.

Nota bene

Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.

Oportet nuntios etiam in paginam anni (e. g. in paginam 2024) inserere.

Nexus interni

• Nuntii Latini
• {{Eventuscurrens}}