Valerius Aedituus

	Nulla Vicipaediae Latinae pagina huc annectitur. Quaesumus in alias commentationes addas nexus ad hanc paginam relatos. Quo facto hanc formulam delere licet. → Interpretationes vernaculae

Valerius Aedituus fuit poëta Romanus, fortasse ad secundum saeculum ante aeram vulgarem pertinens, qui epigrammata amatoria scripsit, Sappho poëtasque Hellenisticos imitans. Aulus Gellius in Noctibus Atticis poëtam describit et duo ex epigrammatibus profert:

Tum resupinus capite convelato voce admodum quam suavi versus cecinit Valerii Aeditui, veteris poetae, item Porcii Licini et Q. Catuli, quibus mundius, venustius, limatius, tersius Graecum Latinumve nihil quicquam reperiri puto.

Aeditui versus:

dicere cum conor curam tibi, Pamphila, cordis,
quid mi abs te quaeram, verba labris abeunt,
per pectus manat subito <subido> mihi sudor:
sic tacitus, subidus, dum pudeo, pereo.

Atque item alios versus eiusdem addidit, non hercle minus dulces quam priores:

quid faculam praefers, Phileros, qua est nil opus nobis?
ibimus sic, lucet pectore flamma satis.
istam nam potis est vis saeua extinguere venti
aut imber caelo candidus praecipitans;
at contra hunc ignem Veneris, nisi si Venus ipsa,
nullast quae possit vis alia opprimere.

Bibliographia

• Citroni, Mario. "Valerius (RE 95) Aedituus". In The Oxford Classical Dictionary. Oxoniae: Oxford University Press, 2012.
• Schmidt, Peter Lebrecht. "Valerius: [III 1] V. Aedituus Verf. erotischer Epigramme, 2. Jh. v. Chr. (?)". In Der Neue Pauly, editione interretiali. 2006.

Nexus externi

Lexica biographica:  Treccani