Vide etiam paginam discretivam: Terpsichore (discretiva)

Terpsichore (Graece Τερψιχόρη) in mythologia Graeca est Musa saltationis.

Terpsichore tessellis picta e pavimento in oppido Vichten sito
Musa saltationis a Ioanne Marco Nattier picta

Filia Iovis et Mnemosynae nomen habuit, ut dicitur, propter amabilitatem qua amasios rebus doctis laetificat (Diod. Sicul. l. IV. c. 7. p. 150). Prima saltatoriam artem invenit, fortasse etiam scientias omnes bellas (Schol. Apollon ad Argon. l. III. v. 1). Peperit Acheloo Sirenas (Apollon. l. IV. v. 895) Marti Bistona et Strymoni Rhesum (Lonicer. Mythol Musar. c. 6). Etiam mater Hymenaei esse putatur (Alciphr. ep. 13. l. I).

In artificiisRecensere

Ei saepe lyra et plectrum epithetis sunt. Ostenditur in tabula quadam Herculanei cum tunica rubra et caerulea; quae vestis manicam habet tantummodo laevam cum bracchium dexterum nudum sit. Peplum eius lividinum est et lyra septies chordata canitur, cuius ventriculus sinistro a latere iacet. Caput eius fasceolis et laureis circumdatur. Moveri videtur; sub tabula autem titulus Graecus hic: ΤΕΡΨΙΧΟΡΗ ΛΥΡΑΝ (Pitt. ant. d'Ercolano T. II. tav. 5). Item in columnis reginae Christinae laureis coronata est cithara in gremio canens (Maffei Racc. di Stat. t. CXV). Eo modo secundum Vergilium confecta est: Adsectus citharis movet, imperat, auget. Tibiis multis quoque spectatur, propterea quod in epigrammate Graeco habemus: Grataque Terpsichore calamos inflare paravit. In monetis Quinti Pomponii Musae brachio laevo columna fulcitur usque ad genam, cum manus dextera tibias obtinuerit (Agostin. Dial. V. p. 158. Morell. Thes. num. T. I. p. 348). Item in aliis antiquis monumentis cum tibia se monstrat (Montfauc. Ant. expl. T. I. P. I. pl. 56. & 60).

Nexus interni

Nexus externiRecensere

  Vicimedia Communia plura habent quae ad Terpsichoren spectant.
  Haec stipula ad mythologiam spectat. Amplifica, si potes!