Yat
Yat est dialectos Anglica in usu in Regione Nova Aurelia Maiore. Nomen homines dicit qui sono et dialecto Yat Novae Aureliae omnem per urbem loquuntur. Nomen venit ex usu communi inter eos, salutationis Where y'at? ('Ubi es?'), generis rogandi How are you? ('Quomodo es?')[1]Apud dialectum Yat, Francica Ludoviciana et lingua Anglica Americana Meridiana multo valent, praecipue lingua Anglica Americana Meridiana antiqua, atque gratia linguarum Europaearum ab advenis ad urbem allatarum. Portus urbanus sicut Nova Aurelia et Urbs Novum Eboracum (de burgo circumiacente) ortum effecerunt dialectorum similium cum ambae urbes multos advenas Europaeos saeculo undevicensimo attraxerunt. Eventus dialectos similes produxit quae sonos miscent ex lingua Hibernica, lingua Theodisca, lingua Italiana, et sermonibus multorum aliorum advenarum, quae cum dialecto loci ad novam varietatem creandam mixtae sunt.[2]
Cum nomen Yat usitate extremis dialecti Novae Aureliae varietatibus adhibeatur, nomen locutores Yat in nonnullis regionibus urbis et interioribus Novae Aureliae suburbiis in Ludoviciana certe dicitur. Yat, quamquam lingua Regionis Nonae[3] habetur, una ex multis subdialectis Novae Aureliae in usu per urbem manet.
Who Dat? est irrisus plerumque cum dialecto Yat conectus, ad iuvandos Sanctos Novae Aureliae, lusores harpasto Americano, clamatus. Omnis cantus est Who dat? Who dat? Who dat say dey gonna beat dem Saints? ('Quis est? Quis est? Quis est qui dicit se Sanctos victurum esse?'). Fautores Sanctorum Who Dat Nation ('Natio Quis Est') una appellantur.
Notae recensere
- ↑ Cf. https://thelatinlibrary.com/bible/genesis.shtml#3, v.9: "Vocavitque Dominus Deus Adam, et dixit ei: Ubi es?"
- ↑ Ben Trawick-Smith, "On the Hunt for the New Orleans Yat," Dialect Blog, 1 Septembris 2011.
- ↑ https://en.wikipedia.org/wiki/9th_Ward_of_New_Orleans
Bibliographia recensere
- Baum, Dan. 2009. Nine Lives. Novi Eboraci: Spiegel & Grau.
- Liebling, A. J. 1970. The Earl of Louisiana. Baton Rouge: LSU. ISBN 0807102032.
- Toole, John Kennedy. 1980. A Confederacy of Dunces. Baton Rouge: LSU. ISBN 0807102032.
- Trawick-Smith, Ben. 2011. On the Hunt for the New Orleans Yat, Dialect Blog, 1 Septembris.
Nexus externi recensere
- "A Yat Encyclopedic Reference," www.xnola.com
- "Benny Grunch and the Bunch Website," www.bennygrunch.com
- "Glossary of Terms Used in New Orleans," www.experienceneworleans.com
- "Lexicon of New Orleans Terminology and Speech," www.gumopages.com
- "On the Hunt for the New Orleans Yat," dialectblog.com
- "Sudden Yats Club," www.suddenyatsclub.com