Vincentius La Chapelle
Vincentius, vulgo Vincent La Chapelle fuit coquus et scriptor de re culinaria. E stirpe Francico ortus, anno aut 1690 aut 1703 natus, anno 1745 mortem obiit. Iuxta nobiles plures coquus meruit, inter quos sunt Philippus comes de Chesterfield (ab anno 1729 usque in 1733), Gulielmus IV domus Auriaco-Nassoviae, Ioannes Magnanimus rex Portugallensis.
Opus suum de coquina "hodierna" primum Anglice, post tres annos Francogallice divulgare iussit. Tiro Lutetiae ut videtur laboraverat; ad Indias sive orientales sive occidentales iter fecerat.[1] Omnibus operibus suis (sed praesertim editione Anglica) praecepta non pauca sine attributione dempsit e libro Francisci Massialot, cuius scientiam coquinariam nihilominus in praefatione sua vituperavit.[2]
Notae recensere
- ↑ La Chapelle (1742) vol. 5 p. 257; Wheaton (1983) pp. 168-169
- ↑ Hyman et Hyman (1979); Stephen Mennell, All Manners of Food (Oxoniae: Blackwell, 1985) pp. 76-77; Wheaton (1983) p. 169
Scripta recensere
- 1733 : The Modern Cook (3 voll. Londinii: Nicolas Prevost) vol. 1 2 3
- 1735 : Le Cuisinier moderne (4 voll. Hagae Comitum) vol. 1 2 3 4
- 1742 : Le Cuisinier moderne (2a ed. 5 voll. Hagae Comitum) vol. 1 2 3 4 5
- 1740-1741 (editor) : François Massialot, Le Nouveau Cuisinier royal et bourgeois. Editio aucta vol. 1 2 3
Bibliographia recensere
- Beatrice Fink, ed., Les Liaisons savoureuses. Réflexions et pratiques culinaires au dix-huitième siècle. Urbe S. Stephani de Furano: Publications de l’Université de Saint-Étienne, 1995. ISBN 2-86272-070-4
- Philip Hyman, Mary Hyman, "La Chapelle and Massialot: an 18th century feud" in Petits propos culinaires no. 2 (1979) pp. 44-54
- Barbara Ketcham Wheaton, Savouring the past (London: Chatto & Windus, 1983) p. 86-91, 155-157, 167-172 et alibi
- Carolin C. Young, "The Soup that Went Into the Tureen" in Mark McWilliams, ed., Food & Material Culture: Proceedings of the Oxford Symposium on Food and Cookery 2013. Totenais: Prospect Books, 2014 (pp. 33-47 apud Google Books) (vide "Vincent La Chapelle and the Chesterfield Tureen", pp. 33-43)