Via Claudia Augusta

VIA CLAUDIA AUGUSTA
Summuntorium ↑↑Augusta Vindelicorum ↓Abodiacum Foetibus Dormitium Tarentum Umista Medullum Reschenpass Maiensis statio ↑Pons Drusi Appianum Endidae Tridentum →Verona Feltria Hostilia Altinum per Padum flumen per Septem Maria Ravenna
Fontes: Tabula Imperii Romani; Miller 1887-1888

Via Claudia Augusta fuit una viarum consularium ab antiquis Romanis constructarum. Anno 15 a.C.n. a Druso Maiore incepta, a filio huius Claudio imperatore confecta est. Cuius duo rami ex Hostilia ad Padum flumen per Veronam et ex Altinum per Feltriam ducebant, inde per Tridentum et Augustam Vindelicorum usque ad Summuntorium ad ripam Danubii fluminis.

Duo miliaria huius viae reperta sunt, quorum unum ad Cesium Maius iuxta Feltriam repertum est, alterum ad Rablà municipii Parcines. Inscriptio sic legitur:

Ti. Claudius Caesar Augustus Germanic[us] pont[ifex] max[imus] trib[unicia] pot[estate] VI co[n]s[ul] desig[natus] IIII imp[erator] XI p[ater] p[atriae] viam Claudiam Augustam, quam Drusus pater Alpibus bello patefactis derexserat, munit a flumine Pado at flumen Danuvium per m[ilia] p[assuum] CCCL.

Via nova per montem Brennum anno 201 a Septimio Severo et Caracalla constructa, a saeculo III via Claudia Augusta minus frequentabatur. Iter per montem Brennum, non per Reschenpass, in Itinerario Antonini enumeratur.

Bibliographia

• W. Cartellieri, Die römischen Alpenstrassen über den Brenner, Reschen-Scheideck und Plöckenpass (Lipsiae, 1926. Philologus suppl. 18)
• Konrad Miller, ed., Die Peutingersche Tafel. Ravensburg: Otto Maier, 1887-1888; anno 1962 reimpressum. Tabula Peutingeriana in Bibliotheca Augustana
• Tabulae Imperii Romani folium "Mediolanum Aventicum Brigantium". Roma, 1966; "Tergeste". Romae, 1961
• H. Bender, "Map 19: Raetia" in Richard J. A. Talbert, ed., Barrington Atlas of the Greek and Roman World: map-by-map directory (Princetoniae, 2000. ISBN 0-691-04945-9)
• Gerold Walser, Studien zur Alpengeschichte in antiker Zeit (Wiesbaden: Steiner, 1994) pp. 116-120 (Paginae selectae apud Google Books)

Nexus externi

Restitutio lapidis milliarii apud Osterreinen

Forma viae Claudiae Augustae in civitatibus hodiernis Italia et Austria

• Tabula Viae Claudiae Augustae
• Historia Viae Claudiae Augustae (Anglice)

Viae Romanae nominibus antiquis cognitae

Nomina viarum recentiora et ficta

Itinera provincialia