Universitas Catholica Lovaniensis

Universitas Catholica Lovaniensis (Francice Université catholique de Louvain ; Nederlandice ex anno 1930 Katholieke Universiteit te Leuven) est nova universitas studiorum^[2] Belgica, anno 1834 condita ab episcopis Belgicis per breve Romae 13 Decembris 1833 a Papa Gregorio XVI datum, Mechliniae in urbe et quae postea Lovanium migravit.

Bibliotheca Universitatis Catholicae Lovaniensis ita ut erat anno 2005

DOCUMENTUM:
Epistola Papae Gregorii XVI de conditione Universitatis Catholicae in Belgio, anno 1833 (Mechliniae, Archiepiscopale Archivum)

Gregorius P.P. xvj

Venerabiles Fratres Salutem et Apostolicam Benedictionem. Majori certe solatio affici non possumus, quam cum eos, qui in partem solicitudinis Nostrae sunt vocati, pastorali zelo flagrare, acriterque ad spirituale commissarum sibi Ovium bonum novimus vigilare. Licet porro praecipuam Fraternitatum Vestrarum virtutem satis jam multa declarassent eaque de causa jure Nobis laetari liceret ; conceptam tamen animo Nostro opinionem confirmarunt, Nostrumque gaudium abunde auxerunt obsequentissimae Litterae, quas die decimaquarta proxime elapsi Mensis ad Nos dedistis, et quibus ne dum Vestrum de Catholica in Belgio constituenda, et a Vobis tantum regenda Studiorum Universitate consilium significastis, sed etiam expositis commodis, quae tum animarum salus, tum Religio ipsa inde possunt accipere, Apostolica Nostra Auctoritate probari illud voluistis. Hanc Vos rationem sequuti, id egistis, quod ab antiquis temporibus consuetudo induxit, quodque debita huic Sanctae Sedi reverentia et observantia merito exigit. Cum enim ad Romanos Pontifices pro concredito Ipsis Apostolici Officii munere maxime pertineat Catholicam Fidem tueri sanctaeque ejus doctrinae depositum integrum ac intemeratum custodire; Eorum quoque esse debet Sacrarum Disciplinarum, quae publice in Universitatibus traditur^[1], institutionem moderari. Atque haec causa fuit cur Catholici etiam Principes, cum de hujusmodi Academiis, seu Universitatibus Studiorum statuendis cogitarunt, Apostolicam Sedem consulendam, Ejusque Auctoritatem exquirendam duxerint. Hinc celebriores, illustrioresque Europae Universitates nonnisi ex sententia et assensu Romanorum Pontificum fuisse constitutas gravissimae illarum historiae amplissime testantur. Nobis itaque quibus persuasum est ex recte comparatis Studiorum Universitatibus plurimum emolumenti in Christianam Rem publicam dimanare, jucundius nihil accidere potest, quam ut Vobis gratificemur et ad litterarum praesertim Sacrarum praesidium et incrementum Supremae Nostrae auctoritatis robur adjiciamus, atque hinc sapientissimum, quod una simul inivistis consilium, adprobamus, Vestramque ea de re solicitudinem summa laude, ac commendatione prosequimur. Eo autem libentius Vestris votis annuimus, quo certius Vestra industria, opera et cura futurum confidimus, ut quotquot ad istam Universitatem convenient bene morati juvenes, non scientia, quae inflat, sed scientia, quae cum charitate aedificat, non sapientia hujus saeculi, sed sapientia cujus initium timor Domini est, imbuantur. At illud probe intelligitis, Venerabiles Fratres, memoratam mox Universitatem ita quidem constitui oportere, ut nihil prorsus derogetur juribus, quae singulis Episcopis circa Clericorum in suis Dioecesanis seminariis institutionem, eorumque in Litteris, et disciplinis maxime Theologicis eruditionem Tridentini Patres adjudicarunt. Agite igitur, et Ille, a quo omne datum optimum, ac omne donum perfectum est, dexter Vobis, propitiusque adsit, et quae salubriter cogitastis, feliciter possitis implere. Interim Apostolicam Benedictionem Paternae Nostrae charitatis, et benevolentiae testimonium erga Fraternitates Vestras, peramanter Vobis impertimur. Datum Romae apud S. Petrum die 13 Decembris An. 1833. Pontificatus Nostri An. III.

Gregorius PP XVI

Historia recensere

Conditio in urbe Mechliniae anno 1834 recensere

Universitas Catholica Lovaniensis, primum Universitas catholica Belgii appellata, Mechliniae in urbe anno 1834 condita est.

Universitas Catholica Belgii^[3], vulgo Universitas Catholica Mechliniensis appellata, est universitas studiorum quae Mechliniae in Belgica die 8 Novembris 1834 ab episcopis Catholicis Belgicis cum licentia papae Gregorii XVI data per breve 13 Decembris 1833 condita est.

Tunc temporis enim, episcopi voluerunt universitatem studiorum novam in Regno Belgico condere ad "integram doctrinam de Sancta Sede apostolica manantem accipiendam et ad respuenda omnia quae non ab hoc augusto fonte scaturiebant."

Primus rector magnificus ut aiunt, huius universitatis fuit Dominus Petrus de Ram, sed post unum annum Lovanium migravit, qua in urbe nomen novum sibi selegit, quod est Universitas Catholica Lovaniensis.

Multi Belgae, qui liberalismo favebant, aegre tulerunt hanc universitatem conditam esse, atque timentes ne Ecclesia Catholica totam educationem populi usurpareretur, tumultus publicos Gandavi, Lovanii, Leodiique in magnis urbibus incitaverunt.

Translatio sedis in urbem Lovanii recensere

Haec universitas sedem suam in urbem Lovanium convertit, qua in urbe sollemniter inaugurata est Kalendis Decembribus anno 1835, nomenque ei ab hoc temporis momento inditum est Universitas Catholica Lovaniensis.

Episcopi eligerunt urbem Lovanium quia olim iam fuerunt in hac urbe duae celebres universitates quae abolitae sunt:

primum fuit Lovanii Studium generale Lovaniense sive Universitas Studiorum Lovaniensis, anno 1425 a Ioanne IV, duce Brabantiae, cum licentia Martini Papae Quinti condita et ab auctoritate publica anno 1797 definitice abolita.

secundum fuit Lovanii Universitas publica Lovaniensis, anno 1817 condita et ab auctoritate publica anno 1835 abolita.

Anno 1859, Iovis die 3 Novembris, Universitas Catholica Lovaniensis diem anniversarium conditionis vicensimum quintum sollemniter celebravit.^[4] et viginti quinque annos existentiae suae.^[5] Die 23 Novembris 1859, in recordationem vicensimorum quintorum annorum conditionis, alumni opiparas epulas apparaverunt in honorem rectoris et professorum in magnâ aulâ Academiae Musicae Lovaniensis.^[6]

Anno 1884 Universitas Catholica Lovaniensis sollemniter quinquagesimum diem anniversarium conditionis celebravit.^[7]

Ab anno 1834 usque ad tempora nostra, Universitas Catholica perrexit docere, sed anno 1968 divisa est in partes duas, unam Flandro-Belgicam, quae Lovanii remansit, et alteram Gallo-Belgicam, quae, a novis legibus linguisticis expulsa, migrare coacta est ad urbem novam Novum Lovanium sive Neolovanium et ad Bruxellas anno 1972.

Historia sigilli Universitatis Catholicae Lovaniensis recensere

Anno 1834, haec universitas, sub patrocinio Beatae Virginis Mariae esse cupiens, sibi ut insigne sigillum rotundum in cuius media parte litterae maiusculae SMR (Sancta Maria Regina) delineabantur elegit, super quas corona radiique gloriae eminebant, cum hac inscriptione in margine scripta: "Sigillum univ. cath. in opp. Lov."

Postea, anno 1909, ad celebrandum diem anniversarium septuagesimum quintum conditus sui, universitas novum sigillum sibi creavit, in quo repraesentabatur "Sedes Sapientiae," modo neomediaevali delineata.

Historia Universitatis Catholicae Mechliniensis postea Lovaniensis nuncupatae recensere

1834-1900 recensere

1834 : episcopi Belgici cupientes Universitatem catholicam condere in regno Belgico, eam inauguraverunt in urbe Mechliniae die 8 mensis novembris anno 1834.
1835 : kalendibus decembribus anno 1835, haec Universitas catholica Mechliniensis mutavit sedem Lovanium. Haec Universitas non dependet a re publica et maior pars professorum sacerdotes et clerici sunt. Primus rector magnificus Petrus De Ram fuit.
1845 : schola pharmaciae est condita.
1865 : scholae speciales ad ingeniaros docendos creatur.
1867 : Facultas philosophiae et bonarum litterarum a Facultate scientiarum separatur.
1878 : Institum agronomicum, instigantibus agrorum possessoribus catholicis, creatur. Hoc anno etiam "Societas generalis Alumnorum" creatur, in quam tam Flandri quam Gallo-Belgae confluxerunt.

XX° saeculo recensere

1909 : creatur Schola scientiarum colonialisticarum.
1911 : prima vici cursus dividuntur inter sectiones neerlandicam et francogallicam..
a noctu diei 25 ad diem 26 mensis augusti, milites theotisci igne delent bibliothecam universitariam et magnam partem urbis, mactantque multos incolas tam viros quam feminas et infantes.
1920 : primum puellae admittuntur ad studia perficenda.
1933 : canonicus Georges Lemaître palam exposuit theoriam expansionis universi, quae vocatur "Big Bang".
1951 : Universitas Catholica Lovaniensis condit in Congo Belgico universitatem cui nomen Lovanium cuius lapis angularis votivus anno 1954 ponitur.
1968 : tumultibus linguisticis flagrantibus, Universitas Catholica Lovaniensis dividitur in partes duas. Pars neerlanica Lovanii remansit, pars francogallica migratura est in urbem novam construendam, cui nomen datur Neolovanium.
die 2 mensis februarii anni 1971, ponitur primus lapis votivus urbis novae Lovanii-Novi in parte romanica Belgicae.

Rectores Magnifici Universitatis Catholicae Mechliniensis et postea Universitatis Catholicae Lovaniensis recensere

ab anno 1834 ad annum 1865 : Dominus Petrus de Ram (1804-1865), historicus.
1865 -1872 : Dominus Nicolas Joseph Laforêt (1823-1872)
1872-1881 : Dominus Alexandre Joseph Namèche (1811-1893), historicus.
1882-1887 : Dominus Constantin Joseph Pieraerts (1835-1887)
1888 ad 1897 : Dominus Jean-Baptiste Abbeloos (1836-1906), orientalista
1898 ad 1909 : Dominus Adolphe Hebbelynck (1859-1939), orientalista.
1909 ad 1940 : Dominus Paulinus Ladeuze (1870-1940), orientalista.
1940 ad 1962 : Dominus Honoré Van Waeyenbergh (1891-1971)
1962 ad 1968 : Dominus Albertus Campaneus (1916-1980)

Ab anno 1969, unaquaeque pars Universitatis, pars flandro-belgica parsque gallo-belgica suum proprium Rectorem Magnificum habet.

Viri feminaeque illustres Universitatis Catholicae Lovaniensis recensere

Professores recensere

Petrus Iosephus van Beneden (1809-1894), zoologus.
Ioannes Dabin (1889-1971, iurisconsultus.
Baro Aemilius van Dievoet, (1886-1967), iurisconsultus et vir politicus factionis flandricae.
Christianus de Duve (1917), medicus Pretio Nobeliano honoratus anno 1974.
Leo van der Essen (1883-1963), historicus.
Alfredus van der Essen (1914-2005), historicus.
Marcus Eyskens (1933) vir politicus fuit princeps administer anno 1981.
Leopoldus Genicot (1914-1995) historicus, peritus de temporibus mediaevalibus.
Philippus Godding, natus anno 1926, iuris historicus.
Fernandus Van Goethem (1895-1974), professor iuris.
Carolus de Harlez (1832-1899), belga, orientalista.
Franciscus Houtart (1925-), sociologus, peritus de quaestione Tertii Mundi et conditor Centri Tricontinentalis.
Iosephus IJsewijn (1932-1998) philologus latinus.
Franciscus Alfonsus Janssens 1865-1924 biologus.
Georgius Jackson Mivart (1827-1900), biologus britannus
Ioannes Ladrière (1921-2007), philosophus.
Iacobus Leclercq (1891-1971), theologus.
Raimundus M. Lemaire (1921-1997), professor et architectus.
Georgius Lemaître (1894-1966), physicus et sacerdos, auctor theoriae Big Bang.
Alfonsus Meunier (1857-1918), botanista.
Andreas Molitor (1912-2005), regis Balduini a secretis.
Gaspardus Michael Pagani (1796-1855), mathematicus.
Theodoricus Sacré (1957), philologus latinus.
Carolus Steel (1944), philosophiae historicus.
Iacobus Taminiaux (1928), philosophus.
Carolus Ioannes de La Vallée Poussin (1866-1962), mathematicus.
Michael Woitrin (1919-2008),professor et administrator generalis.
Paulus Van Zeeland (1893-1973), princeps administer ab anno 1935 ad annum 1937

Alumni famosi recensere

Ioannes Ambrosius Fleming (1848-1945), physicus britannus.
Paulus Otlet (1868-1944) documentalista.
Georgius Lemaître (1894-1966), sacerdos catholicus, astronomus et physicus.
Arthurus Masson (1896-1970), scriptor fabellarum Milesiarum natione Belga.
Ioannes Duvieusart (1900-1977) princeps administer.
Carolus De Koninck (1906-1965)
Felicianus Marceau (1913-2012), scriptor.
Leo Tindemans (1922), princeps minister ab anno 1974 ad annum 1978.
Fredericus Kiesel (1923-2007), poeta, scriptor et diurnalista, natione Belga.
Ioannes Mallinger (1904-1982), advocatus et fautor doctrinae Pythagoricae.
Dionysius Szabo (1929), criminologus natione Canadensis.
Sœur Sourire (Soror a Subrisu) (1933-1985), nonna quae celebris facta est cantiuncula famosa "Dominice, Dominice".
Robertus Triffin (1911-1993) praesidis americani John Kennedy a consiliis, et professor in Universitate Yale.
Simon Leys (1935), scriptor, et sinologus natione Belga
Leon Degrelle, natione Belga, vir politicus catholicus, scriptor, diurnalista, fautor atrocissimae tyrannidis Nazisticae, militavit in infamibus cohortibus Hitlerianis S.S., capite damnatus post bellum aufugit in Hispaniam.

Index bibliographicus recensere

R. Mathes, Löwen und Rom. Zur Gründung der Katholischen Universität Löwen unter besonderer Berücksichtigung der Kirchen-und Bildungspolitik Papst Gregors XVI, Essen, 1975.

Notae recensere

↑ Sic: "traditur" pour "traduntur".
↑ Monendum est hanc Universitatem Catholicam Lovaniensem, revera conditam Mechliniae anno 1834, non esse confundendam cum vetere et illustri Studio Generali Lovaniensi (1425-1797), quocum ne unam quidem conexionem historicam habet. Apud iudicium Curiae Supremae Cassationis Belgicae die 26 Novembris anno 1846 etenim latum: "Universitas Catholica Lovaniensis nullo pacto reputari potest ut continuans vetus Studium Generale Lovaniense." Vide Table générale alphabétique et chronologique de la Pasicrisie Belge contenant la jurisprudence du Royaume de 1814 à 1850 (Bruxellis: 1855), p. 585, columna 1, a linea 2. Vide quoque Bulletin Usuel des Lois et Arrêtés (1861), p.166). Ecce hoc iudicium Curiae Cassationis die 26 Novembris 1846, quod vetat quin Universitas Catholica Lovaniensis sese ut continuatricem veteris Studii Generalis Lovaniensis praesentet: "L'université catholique de Louvain ne peut être considérée comme continuant l'ancienne université de Louvain; et lorsqu'un acte de fondation a désigné pour collateur un professeur de cette ancienne université, il y a lieu d'y pourvoir par le gouvernement," Table générale alphabétique et chronologique de la Pasicrisie Belge contenant la jurisprudence du Royaume de 1814 à 1850 (Bruxellis: 1855), p. 585, columna 1, a linea 2. Similiter vode Bulletin Usuel des Lois et Arrêtés (1861), p.166. Vide etiam hoc iudicium Curiae Revocationis anni 1844: La Belgique Judiciaire, 28 Iulii 1844, n° 69, p. 1: "Cour d’Appel de Bruxelles. Deuxième chambre. L'université libre de Louvain ne représente pas légalement l’antique université de cette ville. Attendu que cette université (l’ancienne Université de Louvain), instituée par une bulle papale, de concert avec l'autorité souveraine, formait un corps reconnu dans l'État, ayant différentes attributions, dont plusieurs même lui étaient déléguées par le pouvoir civil; Attendu que ce corps a été supprimé par les lois de la république française; Attendu que l'université existant actuellement à Louvain ne peut être considérée comme continuant celle qui existait en 1457, ces deux établissemens ayant un caractère bien distinct, puisque l'université actuelle, non reconnue comme personne civile, n'est qu'un établissement tout-à-fait privé, résultat de la liberté d'enseignement , en dehors de toute action du pouvoir et sans autorité dans l'État."
↑ Petrus De Ram, Universitas Catholica Belgii (1834). Documenta VIII, "Statuts de l'Université catholique de Belgique". Vide etiam "L'Ami de la religion", volumen 81 (1834), p. 329: "connu par plusieurs écrits et entr'autres par un discours dont nous avons parlé sur l'affaire de l'école libre à la chambre des pairs; M. de Coux, qui vient d'être nommé à une chaire dans l'Université catholique de Belgique." Nomisma incusum est cum sententia "UNIVERSITAS CATHOLICA BELGII Mechliniae inaugurata": Catalogue des monnaies et médailles formant le cabinet de feu M. J.B. De Jonghe (Bruxellis, 1860), p. 172, n° 3289. Vide etiam Petrus De Ram, Universitas Catholica Belgii, Oratio quam die IV mensis novembris anni MDCCCXXXIV, in aede metropolitana Mechliniensi habuit Petrus-Franc.-Xav. De Ram, . . . quum illustrissimus ac reverendissimus Dominus Engelbertus, archiepiscopus Mechliniensis primas Belgii oblato solemni ritu missae sacrificio Universitatem Catholicam inauguraret (Lovanii: 16. Nov. 1834).
↑ Souvenir du XXVe anniversaire de la fondation de l'Université catholique: Novembre 1859 (Lovanii: typographie Vanlinthout et Cie, 1860), p. 5: « Fêtes du vingt-cinquième anniversaire de la fondation de l'Université catholique: Solennités du 3 novembre» Lire en ligne.
↑ Ibidem, Souvenir du XXVe anniversaire de la fondation de l'Université catholique: Novembre 1859 (Lovanii, typographiae Vanlinthout et Cie, 1860), p. 5: "Inaugurée à Malines, le 4 novembre 1834, l'Université catholique a célébré à Louvain, le jeudi 3 novembre 1859, sa vingt-cinquième année d'existence."
↑ Souvenir du XXVe anniversaire de la fondation de l'Université catholique: Novembre 1859, p. 24 : "Banquet offert par les étudiants au Recteur et au Corps professoral le 23 novembre"; et Emiel Lamberts, Jan Roegiers, et alii, Leuven University: The Catholic University" (Lovanii, 1990), p. 199 (illustratio 11).
↑ E. Descamps, Université catholique de Louvain: Liber Memorialis: 1834-1884 (Lovanii: Peeters, 1887), p. V: "les fêtes du cinquantième anniversaire de l'Université catholique de Louvain ont eu un brillant éclat et un immense retentissement."

Nexus interni

[1] Sic: "traditur" pour "traduntur".

[2] Monendum est hanc Universitatem Catholicam Lovaniensem, revera conditam Mechliniae anno 1834, non esse confundendam cum vetere et illustri Studio Generali Lovaniensi (1425-1797), quocum ne unam quidem conexionem historicam habet. Apud iudicium Curiae Supremae Cassationis Belgicae die 26 Novembris anno 1846 etenim latum: "Universitas Catholica Lovaniensis nullo pacto reputari potest ut continuans vetus Studium Generale Lovaniense." Vide Table générale alphabétique et chronologique de la Pasicrisie Belge contenant la jurisprudence du Royaume de 1814 à 1850 (Bruxellis: 1855), p. 585, columna 1, a linea 2. Vide quoque Bulletin Usuel des Lois et Arrêtés (1861), p.166). Ecce hoc iudicium Curiae Cassationis die 26 Novembris 1846, quod vetat quin Universitas Catholica Lovaniensis sese ut continuatricem veteris Studii Generalis Lovaniensis praesentet: "L'université catholique de Louvain ne peut être considérée comme continuant l'ancienne université de Louvain; et lorsqu'un acte de fondation a désigné pour collateur un professeur de cette ancienne université, il y a lieu d'y pourvoir par le gouvernement," Table générale alphabétique et chronologique de la Pasicrisie Belge contenant la jurisprudence du Royaume de 1814 à 1850 (Bruxellis: 1855), p. 585, columna 1, a linea 2. Similiter vode Bulletin Usuel des Lois et Arrêtés (1861), p.166. Vide etiam hoc iudicium Curiae Revocationis anni 1844: La Belgique Judiciaire, 28 Iulii 1844, n° 69, p. 1: "Cour d’Appel de Bruxelles. Deuxième chambre. L'université libre de Louvain ne représente pas légalement l’antique université de cette ville. Attendu que cette université (l’ancienne Université de Louvain), instituée par une bulle papale, de concert avec l'autorité souveraine, formait un corps reconnu dans l'État, ayant différentes attributions, dont plusieurs même lui étaient déléguées par le pouvoir civil; Attendu que ce corps a été supprimé par les lois de la république française; Attendu que l'université existant actuellement à Louvain ne peut être considérée comme continuant celle qui existait en 1457, ces deux établissemens ayant un caractère bien distinct, puisque l'université actuelle, non reconnue comme personne civile, n'est qu'un établissement tout-à-fait privé, résultat de la liberté d'enseignement , en dehors de toute action du pouvoir et sans autorité dans l'État."

[3] Petrus De Ram, Universitas Catholica Belgii (1834). Documenta VIII, "Statuts de l'Université catholique de Belgique". Vide etiam "L'Ami de la religion", volumen 81 (1834), p. 329: "connu par plusieurs écrits et entr'autres par un discours dont nous avons parlé sur l'affaire de l'école libre à la chambre des pairs; M. de Coux, qui vient d'être nommé à une chaire dans l'Université catholique de Belgique." Nomisma incusum est cum sententia "UNIVERSITAS CATHOLICA BELGII Mechliniae inaugurata": Catalogue des monnaies et médailles formant le cabinet de feu M. J.B. De Jonghe (Bruxellis, 1860), p. 172, n° 3289. Vide etiam Petrus De Ram, Universitas Catholica Belgii, Oratio quam die IV mensis novembris anni MDCCCXXXIV, in aede metropolitana Mechliniensi habuit Petrus-Franc.-Xav. De Ram, . . . quum illustrissimus ac reverendissimus Dominus Engelbertus, archiepiscopus Mechliniensis primas Belgii oblato solemni ritu missae sacrificio Universitatem Catholicam inauguraret (Lovanii: 16. Nov. 1834).

[4] Souvenir du XXVe anniversaire de la fondation de l'Université catholique: Novembre 1859 (Lovanii: typographie Vanlinthout et Cie, 1860), p. 5: « Fêtes du vingt-cinquième anniversaire de la fondation de l'Université catholique: Solennités du 3 novembre» Lire en ligne.

[5] Ibidem, Souvenir du XXVe anniversaire de la fondation de l'Université catholique: Novembre 1859 (Lovanii, typographiae Vanlinthout et Cie, 1860), p. 5: "Inaugurée à Malines, le 4 novembre 1834, l'Université catholique a célébré à Louvain, le jeudi 3 novembre 1859, sa vingt-cinquième année d'existence."

[6] Souvenir du XXVe anniversaire de la fondation de l'Université catholique: Novembre 1859, p. 24 : "Banquet offert par les étudiants au Recteur et au Corps professoral le 23 novembre"; et Emiel Lamberts, Jan Roegiers, et alii, Leuven University: The Catholic University" (Lovanii, 1990), p. 199 (illustratio 11).

[7] E. Descamps, Université catholique de Louvain: Liber Memorialis: 1834-1884 (Lovanii: Peeters, 1887), p. V: "les fêtes du cinquantième anniversaire de l'Université catholique de Louvain ont eu un brillant éclat et un immense retentissement."

[2]

[1]

[3]

[4]

[5]

[6]

[7]