Wikidata Troezen
Res apud Vicidata repertae:

Troezēn (-is, f.) (Graece Τροιζήν; Neograece Τροιζήνα) est urbs antiqua Argolidis, inter cuius ruinas stat oppidum hodiernum, caput demi (nomine Troezenia) qui hodie regioni Atticae in Graecia attribuitur. Ad demum Troezeniam anno 2011 addita est Methana demus antiqua.

De fabulis mythicis recensere

 
Nummus aeneus a Troezeniis quarto saeculo a.C.n. exeunte signatusː ex altera parte caput deae Athenae, ex altera tridens cum delphino. Etenim Athena et Poseidon hanc regionem simul possidere iussi erant.

Nomen a Troezene, Pelopis filio, duxisse a mythographis antiquis dicebatur, qui cum fratre Pittheo e Pisatide huc venerat et regnum condidit.[1] Hic Aegeus filium Theseum e filia regis Pitthei genuit, hic vitam agebat Hippolytus filius Thesei et Amazonis quem secundo saeculo. Troezenii cultu, templo, sacerdote adhuc honorabant.[2] Ita in Hippolytus tragoedia Euripidis inscripta, actio Troezene agitur.

Eandem fabulam de se atque Athenienses narrabantː lis inter Posidonem et Athenam de illius regionis possessione orta erat, sed Zeus arbiter electus condominium creavit, quoad et nummi alludebant.[3]

Troezenii colonias in Cariam deduxerunt, ubi Halicarnassum et Myndum incolebant.[4] (non primi incolae fuisse videntur).

Notae recensere

  1. Strabo, Geographica VIII.6.15
  2. Pausanias II.32.1.
  3. Pausanias II.30.6,
  4. Pausanias II.30.9 et II.32.6.

Cives praeclari recensere

Fontes recensere

Nexus interni

 

Haec stipula ad urbem spectat. Amplifica, si potes!