Therapon Belozerensis
Therapon Belozerensis[1] (Russice Ферапонт Белозерский), natus Theodorus Poskočin Volokiae anno 1337, mortuus die 27 Maii anno 1426, est Ecclesiae Orthodoxae Russicae sanctus, monasteriorum monasterii Therapontis Belozerensis et Therapontis Lužecensis conditor et rector.
Vita recensere
Nobili genere natus, in monasterio Simoniano Moscuensi primo educatus est; postea Sergius Radonezensis magister Therapontis fuit. Pluribus annis ibidem peractis, in solitudinem se contulit cum Cyrillo Belozerensi et speluncam sibi ad lacum Album effodit. Mox propius ad hunc lacum accedens, sedem suam posuit, dein ecclesiam et monasterium fundavit, invisens Cyrillum frequenter eiusque consuetudine mirum in modum proficiens. Monasterium absolutum praeidiis ditavit Andreas, Mosaisci dux, ditionis vero Belozerensis dominus. A quo cum Mosaiscum esset accersitus Therapon, aliud coenobium ibidem fundaturus, fratribus valedixit, Martiniano in sui locum suffecto, novumque monasterium Lužecense, a fluvio Lužka ita nuncupatum, eduxit anno 1408; ubi et supremum diem obiit provecta senectute.
Cultus recensere
Anno 1547 canonizatus est. Memoria sancti Therapontis 27 Maii[2] et 27 Decembris[3] colitur.
Notae recensere
- ↑ Ioannis Martinov Annus ecclesiasticus Graeco-Slavicus, Bruxellis 1863, p. 141. (Textus apud Google Books)
- ↑ Calendario Iuliano, scilicet 9 Iunii Gregoriano.
- ↑ Calendario Iuliano, scilicet 9 Ianuarii Gregoriano.
Nexus externi recensere
|
Lexica biographica: • Большая российская энциклопедия |