Regnum Bohemiae

Regnum Bohemiae^[1] (Bohemice České království; Theodisce Königreich Böhmen) fuit civitas sui iuris Europae Mediae, in terris Cechianis sita. A Medio Aevo usque ad saeculum XVIII etiam partes Silesiae ad Regnum Bohemiae pertinebant.^[2]

Regnum Bohemiae

Res apud Vicidata repertae:

Terra continens: Europa
Caput: Praga

Gestio

Monarchia

Populus

Sermo publicus: lingua Bohemica

Sigla

ISO , , ; IOC BOH

Tabula aut despectus

Lege a Friderico II anno 1212 regnum et pars Sacri Romani Imperii instititum est; rex Bohemiae princeps elector imperii erat. Imperio Sacro anno 1806 dissoluto, regnum Bohemiae pars Imperii Austriaci et anno 1867 Austro-Hungarici pars factum est, quo collapso anno 1918 desiit.

Historia recensere

Premyslidarum^[3] domus usque ad annum 1306 Bohemiae regnabat. Tum Bohemia Imperii Sacri civitas potentissima erat; Ottocarus II rex Austriam regni adiunxit, Venceslaus II filius eius Poloniae rex coronatus est, Venceslaus III nepos Hungariae. Domus Luxemburgica^[4] post annum 1346, regnum accepit. Post bella Hussitica et Iagellonides regnantes pars monarchiae Habsburgensis Bohemia facta est.

Museum Regni Bohemiae recensere

Porta principalis Musei Nationalis Pragensis, olim Museum Regni Bohemiae dicti

Museum Regni Bohemiae, anno 1818 conditum, nunc Museum Nationale nuncupatur. In aedificio principali, Pragae in Foro Sancti Wenceslai sito, insciptio “Museum Regni Bohemiae” usque ad praesens tempus conspicitur.^[5]

Notae recensere

↑ E.g. Ioannes David Koelerus^(de), Fridericus V. affectans regnum Bohemiae, Altorfi Noric, 1716; Ioannes Fridericus Kayser^(de), De praetensione Hispanica in regnum Bohemiae . . . expositio, 1741.
↑ Adalbertus Mrozowicz (2011) Regno Bohemie in perpetuum applicavit. Silesia and Bohemia in silesian medieval historiography. Śląski Kwartalnik Historyczny Sobótka, 66 (3): 27–36.
↑ E.g., Codex juris Bohemici: tomus I, aetatem Přemyslidarum continens. Pragae 1867.
↑ E.g., Carolus Granelli^(de) SI, Topographia Germaniae Austriacae (Vindobonae: 1759); Ioannes Bertelius^(de), Historia Luxemburgensis (Coloniae: 1605), 1.
↑ National Museum, History [pagina interretialis Musei Nationali (Pragensis)].

Nexus interni recensere

Bibliographia recensere

Agnew, Hugh LeCaine. 2004. The Czechs and the Lands of the Bohemian Crown. ISBN 0-8179-4492-3. (Anglice)
Bobková, Lenka. 2006. Ustavení Koruny království českého: český stát Karla IV. Pragae. ISBN 80-86515-61-3. (Anglice)
Pánek, Jaroslav, Tůma Oldřich, et al. 2009. A History of the Czech lands. Pragae. ISBN 978-80-246-1645-2. (Anglice)