Planities Sibirica Occidentalis[1] est planities amplissima, in parte occidentali Siberiae sita. A mari Karensi in parte septentrionali ad montes Altaicos et loca monticulosa Kazachstanica in parte meridiana et a montibus Uralibus in occidente usque ad Ieniseam flumen in occidente patet. Habet circa 2500 chiliometra longitudinis a septentrione ad meridiem et a 800 ad 1900 chiliometra latitudinis ab occidente ad orientem. Area planitiei circa 2 700 000 chiliometra quadrata est. Uvaly Sibirici ab oriente ad occidentem extensi planitiem dimidiant.

Planities Kulundinensis, planitiei Sibiricae Occidentalis pars meridionalis, e clivo montibus Altaicis visa
Tundra in Iamalia, in parte planitiei Sibiricae Occidentalis septentrionali

Meridianae planitiei Sibiricae Occidentalis partes a steppa, mediae a taiga saepe paludinosa, septentrionales a tundra occupatae sunt.

Obius flumen cum Irti et confluentibus aliis per planitiem a meridie ad septentrionem fluit.

Regiones Russiae Tumenensis (cum districtibus autonomis Chanty-Mansico–Iugra et Iamalo-Nenetico), Kurganensis, Omiensis, Novosibirscensis, Tomensis, et partes regionum aliarum necnon pars Kazachstaniae in planitie Sibirica Occidentali sitae sunt.

Taiga cum laricibus vel pinibus maiorem planitiei partem occupat, et in parte septentrionali patet tundra.

Notae recensere

  1. Norae Zabinkovae et Moysis Kirpicznikov Nomina physico-geographica principalia URSS s.v. Западно-Сибирская равнина.

Nexus externi recensere

  Situs geographici et historici: Locus: 62°0′0″N 76°0′0″E, 60°0′0″N 75°0′0″E • GeoNames • Большая российская энциклопедия