Phasmatodea
Phasmatodea[2] (Graece φάσμα 'spectrum, simulacrum'[3]) sunt ordo insectorum. Propter eorum dissimulationem naturalem, difficillime visu praedatoribus sunt; nihilominus, multis speciebus sunt unus e nonnullis defensionis modis minoribus, inter quos sunt mores deimatici, spinae, et excretiones toxicae.[4] Genus Phobaeticus longissima mundi insecta comprehendit.[5]
Superclassis : Hexapoda
Classis : Insecta
Magnordo : Polyorthoptera
Superordo : Orthopterida
Ordo : Phasmatodea
Jacobson & Bianchi, 1902
Species huius ordinibus in omnibus continentibus praeter Antarcticam endemicae sunt, sed abundantissime in zonis tropicis et subtropicis. Herbivora sunt, multis in summis arboribus praetermissis habitantibus. Circulus vitae est hemimetabolus, in tres stationes digestus: ovum, nympham, adultum. Multae species sunt parthenogeneticae, et ova fertilizata non requirunt ut proles femineas gignant. In climatibus calidioribus, proles continenter in anno procreare possunt; in regionibus plus temperatis, feminae ova ponunt antequam moriuntur, et fetura nova se ex ovis insequente vere excludit. Nonnullis speciebus sunt alae, atque volare possunt.
Animalia dilecta recensere
Multa phasmatodea in Australia et Havaiis deliciae exoticae in insectariis aluntur. Mos animalium dilectorum curandorum ut videtur ad Australiam ab immigrantibus Sinensibus, Iaponiensibus, vel Vietnamiensibus secundo bello mundano vel bellis Coreano vel Indosinense secundo introductus est.
Phasmatodea in Sinis deliciae diutissime aluntur, etiam ex antiquitate et tempore domus Han. Intra caveas avium tenentur, quia vulgus Asiae Orientalis credit ea fortunam divitiasque efficere, sicut Gryllidae.[6]
Notae recensere
- ↑ Brian X. Chen, "Museum Unveils World's Longest Insect," Wired, 17 Augusti 2018
- ↑ Etiam Phasmida et Phasmatoptera appellata.
- ↑ Quia plantarum similia videntur, cum autem animalia sint.
- ↑ Robinson 1968.
- ↑ Frances Romero, "World's Longest Insect," Time, 3 Novembris 2008.
- ↑ Care of Stick Insects - Australian Museum. . australianmuseum.net.au.
Bibliographia recensere
- Bedford, Geoffrey O. 1978. "Biology and Ecology of the Phasmatodea." Annual Review of Entomology 23: 125–49. doi:10.1146/annurev.en.23.010178.001013.
- Bragg, Philip E. 2001. Phasmids of Borneo. Kota Kinabalu. ISBN 978-983-812-027-2.
- Robinson, Michael H. 1968. "The defensive behavior of Pterinoxylus spinulosus Redtenbacher, a winged stick insect from Panama (Phasmatodea)." Psyche 75 (3): 195–207. doi:10.1155/1968/19150.
Nexus interni
Nexus externi recensere
|
Vicimedia Communia plura habent quae ad Phasmatodea spectant. |
|
Vide "Phasmatodea" apud Vicispecies. |