Persaeus Citieus
Persaeus Citieus seu Citiensis (Graece Περσαῖος Κιτιεύς; natus saeculo IV exeunte; mortuus, Corintho expugnato, anno 243 a.C.n.), filius Demetrii cuiusdam, fuit philosophus et scriptor Graecus, discipulus Zenonis Citiensis et aulicus Antigoni Gonatae.
Persaeus fuit Zenonis familiaris[1] et fortasse servus,[2] fortasse ad eum ab Antigono Gonata missus ut a secretis mereat.[3] Zeno ab Antigono ad aulam convocatus, ire nolens, discipulos Persaeum et Philonidem loco suo misit.[4] Persaeus de vita aulica memorabilia varia scripsit; sed anno 244 a.C.n., Corintho ab Antigono capto, huius urbis protector constitutus est.[5] Insequenti anno Aratus Sicyonius Corinthum expugnavit; Persaeus aut in ipsa obsidione[6] aut ex urbe profugus mortuus est.[7]
Sectatores vel discipulos habuit Aristonem Chium[8] et Hermagoram Amphipolitam.[9] Ex operibus Persaei fragmenta pauca supersunt, quae cum testimoniis auctorum antiquorum Ioannes ab Arnim in Stoicorum veterum fragmentis collegit:
Opera recensere
- [[Scholae ethicae (Persaeus)|Ἠθικαὶ σχολαί]] "Scholae ethicae" [SVF frr. 456-458][10]
- Περὶ βασιλείας "De regno"[3]
- [[Respublica Laconica (Persaeus)|Πολιτεία Λακωνική]] "Respublica Laconica" [frr. 454-455][3][11]
- Περὶ γάμου "De matrimonio"[3]
- Περὶ ἀσεβείας "De impietate"[3]
- Θυέστης "Thyestes"[3]
- Περὶ ἐρώτων "De amoribus"[3]
- Προτρεπτικοί "Exhortationes"[3]
- Διατριβαί "Prolusiones"[3]
- Χρείαι "Anecdota"[3]
- [[Memorabilia convivialia (Persaeus)|Συμποτικὰ ὑπομνήματα]] (eadem fortasse ac Ἀπομνημονεύματα) "Memorabilia convivialia" [frr. 451, 453][12]
- [[Dialogi conviviales (Persaeus)|Συμποτικοὶ διαλόγοι]] "Dialogi conviviales" [fr. 452][13]
- Πρὸς τοὺς Πλάτωνος νόμους "In Platonis Leges"[3]
Notae recensere
- ↑ Diogenes Laërtius, De vita philosophorum 7.13
- ↑ Aulus Gellius, Noctes Atticae 2.18.8; Bion Borystheneus fontesque alii apud Athenaei Deipnosophistas 162d
- ↑ 3.00 3.01 3.02 3.03 3.04 3.05 3.06 3.07 3.08 3.09 3.10 Diogenes Laërtius, De vita philosophorum 7.36
- ↑ Diogenes Laërtius, De vita philosophorum 7.6, 7.9
- ↑ Aelianus, Varia historia 3.17
- ↑ Pausanias, Descriptio Graeciae 2.8.4, 7.8.3
- ↑ Plutarchus, "Vita Arati" 18, 23; cf. Polyaenus, Strategemata 6.5
- ↑ Athenaeus, Deipnosophistae 251c
- ↑ Suda s.v. "Hermagoras"
- ↑ Diogenes Laërtius, De vita philosophorum 7.28
- ↑ Athenaeus, Deipnosophistae 140b, 140e
- ↑ Athenaeus, Deipnosophistae 607a; Diogenes Laërtius, De vita philosophorum 7.1, 7.36
- ↑ Athenaeus, Deipnosophistae 162b
Bibliographia recensere
- "Persaeus" in William Smith, ed., Dictionary of Greek and Roman Biography and Mythology (Londinii: Taylor & Walton, 1844-1849 ~) vol. 3 p. 203