Lusus Scotorum
Lusus Scotorum[1][2][3] (qui plurimis linguis hodiernis curling nominatur) est ars athletica hiemalis, cuius finis est lapides rotundos ex granito confectos in campo congelato, ita ut in circulum in gelu descriptum labantur, protrudere. Lusoribus licet gelu scopis verrere, ut cursum lapidis mutent. Et altero nomine analogiae "Scacci sub glacie" appellatur. Ab anno 1998, ludus publicus Olimpiae hiemaliae factus est.
Certamen lusūs Scotorum ex octo aut decem partibus constat. In quaque parte binis turmis trium aut quaternorum lusorum octonis lapidibus uti licet. Unus ex lusoribus lapidem protrudit et tres alii gelu verrent, sit ita arbitrantur. Turma, quae lapidem propius medium circuli sitam quam lapides alterius turmae habet, tantum puncta, quantum lapidum propius medium circuli iacent quam lapides alterius turmae, meretur. Omnibus partibus peractis turma, quae plus punctorum habet, vincit. Si autem numerus punctorum aequus est, partes extraordinariae adduntur, donec puncta differunt.
Imagines recensere
Notae recensere
- ↑ Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum, sub voce curling. Societas Litterarum Finnicarum, Helsinki, 2006.
- ↑ Davidis Morgan et Patricii Oeni Neo-Latin Lexicon (2018) (ordine verborum "Scotorum lusus")
- ↑ Ebbe Vilborg. Norstedts svensk-latinska ordbok, Editio secunda anni 2009, sub voce "curling" (ordine verborum "Scotorum lusus").
Nexus externi recensere