Lucius Papirius Cursor

Lucius Papirius Cursor (quando natus sit, quando mortuus, nescimus) senator ac vir publicus Romanus saeculi 4 a.C.n. erat.

Familia

Filius eius Lucius Papirius L.f. Cursor erat, qui annis 293 et 272 a.C.n. consul creatus est.

Cursus honorum

Fuit consul quinquies: annis 326 a.C.n., 320, 319, 315 atque 313.

Cum dictatorem anno 325 a.C.n. se adversis ominibus contra Samnites profectum esse sensisset, ad auspicia repetenda Romam regressus est, ac prius Quinto Fabio magistro equitum edixit ut sese loco teneret neu absente se manum cum hoste consereret. Fabius post dictatoris profectionem, opportunitate ductus acie cum Samnitibus conflixit. Neque melius res geri potuisset, si adfuisset dictator. Non miles duci, non dux militi defuit. Viginti millia hostium eo die caesa traduntur. Haud multo post dictator advenit plenus minarum iraeque Statim advocata concione spoliari magistrum equitum, virgasque ac secures expediri jussit. Tam Fabius militum fidem implorare coepit. Clamor in tota concione est ortus: alibi preces, alibi minae audiebantur. Itaque es in posterum diem est dilata.

Magister equitum noctu clam ex castris Romam profugit, quem dictator ipse secutus est. Vocato senatu iterata contentio est; prehendi Fabium Papirius jussit. Tum Fabii pater ad populum provocavit. Populus Romanus ad preces et obtestationem versus, oravit dictatorem ut veniam adolescentiae Fabii daret. Ipse adolescens ejusque pater procumbere ad genus dictatoris coepeerunt, iramque deprecari. Tot precibus cessit Papirius.

Is fuit vir non animi solum vigore, sed etiam corporis viribus excellens. Praecipua pedum pernicitas inerat, quae cognomen etiam dedit. Idem comis et iocorum studiosus. Quadam die inambulans ante tabernaculum, praetorem Praenestinum, qui per timorem segnius suos in proelium duxerat, vocari jussit, et postquam cum graviter increpuit: "Lictor, expedi, inquit, secures," et cum praetorem vidisset metu mortis attonitum: "Agedum, lictor, inquit, exscinde radicem hanc incommodam ambulantibus." Deinde praetorem mulcta dicta dimisit.

Fontes

Haec pagina textum incorporat ex opere abbatis C. F. Lhomond De viris illustribus urbis Romae, 1779.

Antecessores: Lucius Cornelius Lentulus et Quintus Publilius Q.f. Philo II

Consul 326 a.C.n. cum Gaio Poetelio C.f. Q.n. Libone Visolo

Successores: Lucius Furius Sp.f. Camillus II et Decimus Iunius Brutus Scaeva

Antecessores: Tiberius Veturius Calvinus II, Spurius Postumius Albinus (Caudinus) II

Consul 320 a.C.n. cum Quinto Publilio Q.f. Philone III

Successores: Lucius Papirius Cursor III, Quintus Aulius Q.f. Cerretanus II

Antecessores: Lucius Papirius Cursor II, Quintus Publilius Q.f. Philo III

Consul 319 a.C.n. cum Quinto Aulio Q.f. Cerretano II

Successores: Lucius Plautius L.f. Venox et Marcus Folius C.f. Flaccinator

Antecessores: Spurius Nautius Sp.f. Rutilus et Marcus Popillius M.f. Laenas

Consul 315 a.C.n. cum Quinto Publilio Q.f. Philone

Successores: Marcus Poetelius M.f. Libo et Gaius Sulpicius Ser.f. Longus III

Antecessores: Marcus Poetelius M.f. Libo et Gaius Sulpicius Ser.f. Longus III

Consul 313 a.C.n. cum Gaio Iunio C.f. Bubulco Bruto II

Successores: Marcus Valerius M.f. Maximus Corvinus et Publius Decius P.f. Mus