Leonardus Cohen
Leonardus Cohen (Monte Regio die 21 Septembris 1934 natus; Angelopoli die 7 Novembris 2016 mortuus) fuit cantor, suorum carminum actor, poeta, et scriptor mythistoriarum Canadensis. Cuius opera religionem, res civiles, solitudinem, depressionem, sexualitatem, damnum, mortem, et coniunctiones amatorias exploraverunt.[1] Eius familia fuit Iudaica.
Leonardus Cohen
Obitus: 7 Novembris 2016; Angelopolis
Patria: Canada
Nomen nativum: Leonard Norman Cohen
Familia
Coniunx: Suzanne Elrod
Proles: Adam Cohen, Lorca Cohen
Memoria
Vita recensere
Cohen in Universitate McGill studuit anno 1951 et primum librum poematum, Let Us Compare Mythologies ('Mythologias conferamus'), anno 1956 edidit, secundum The Spice-Box of Earth ('Gaia aromataria') anno 1961, qui auctorem primum poetam Canadae confirmavit. Novissimus liber poematum, Book of Longing ('Liber desiderii') anno 2006 publici iuris fecit.
Primam novellam suam, The Favourite Game, anno 1963 edidit, secundam (quae etiam proxima est), Beautiful Losers, anno 1966. Sunt qui has novellas inter optimas eius decadis fuisse aestiment.
Cohen etiam cantor notissimus est. Prima carmina Songs of Leonard Cohen anno 1967 nominabantur, novissima Blue Alert anno 2006. Primum carmen clarum est Suzanne. Alia carmina pulcherrima sunt Famous Blue Raincoat et Chelsea Hotel #2 et Hallelujah.
Opera eius ingeniosa atque tenebricosa sunt, quorum argumenta amore et religione abundant. Amavit multas, ut Ioanna Joplin. Saepius tamen solus fuit, utpote qui monachus Buddhisticus Zen in California esset. Anno 2003 Socius Ordinis Canadae, qui amplissima dignitate valet, factus est. Anno 2011 Praerium principum Asturiarum litterae accepit.
Notae recensere
- ↑ de Melo, Jessica (11 Decembris 2009). "Leonard Cohen to Receive Lifetime Achievement Award at 2010 Grammys". Spinner Canada.
Bibliographia recensere
- "Leonard Cohen: 'I am ready to die'" in The Guardian (12 Octobris 2016)