Leda
Vide etiam paginam discretivam: Leda (discretiva)
Leda (Graece Λήδα) in mythologia Graeca est Thestii filia, Tyndarei Laconiae regis uxor, quacum Iuppiter, cum eam adamasset, in cygnum versus concubuit,[1] cum iam antea e Tyndareo gravida fuisset. Expletis itaque legitimis mensibus, Leda duo peperit ova,[2] ex quorum altero nati sunt Pollux et Helena, ex altero Castor et Clytemnestra.[3] Fuerunt tamen qui dicerent veram matrem Helenae Nemesin fuisse, Ledam nihil nisi nutricem.[4] Euripides poeta Ledam ob filiae Helenae flagitia se pudore suspendisse narrabat.[5]
In Odyssea[6] Ulixes apud Inferos Ledam vidit et adlocutus est.
Notae recensere
- ↑ Euripides, Iphigenia in Aulide 794-800 et Helena 17-21 et 256-9.
- ↑ Hoc est origo locutionis "ab ovo".
- ↑ Carolus Stephanus, Dictionarium historicum, geographicum, poeticum, Geneva, M.D.C.LX, col. 1184.
- ↑ Pausanias, Descriptio Graeciae I.33.7-8
- ↑ Helena 133-6 et 200-2.
- ↑ XI.298-304.
Nexus externi recensere
- Imagines Ledae in Musaeo Iconographico Warburgiano
- "Sensual fresco discovered in ancient Pompeii bedroom" (19 Novembris 2018) apud Phys.org (de pictura murali Ledae cum cygno)