Vide etiam paginam discretivam: Lacuna

Lacuna[1][2][3] vel lacus maritimus[4], vel lacus,[5] vel fortasse palus marina[6] sive limnothalassa[7], sive vadum maris est humile aquae salsae vel amarae corpus, quod vadosus vel expositus pulvinus sabulosus, scopulus curalii, vel proprietas similis a mari altiore separat. Linguis terrae harenosis longissimis saepe lacunae a mari separatae sunt. Lacunae a fluminibus aquae dulcis aestuaria appellantur.

Lacus maritimus Kara Bogaz Gol in Turcomannia.

Plures lacunae varia nomina habent: Fretum Albemarle in Carolina Septentrionali; Magnus Sinus Meridianus, inter Insulam Longam et obices litoreos Insulae Ignis in Novo Eboraco; Sinus Vectae, qui Urbem Oceani a reliquo Vigorniensi comitatu in Terra Mariae separat; Flumen Banana in Florida; et Lacus Illawarra in Nova Cambria Australi.

In America Australi, verbum lacuna (Hispanice laguna) saepe merum lacum describit, sicut Lacuna Catemaco.

Lacuna salsa apud poetas usu metaphorico mare signficare potest,[8], alibi autem, imprimis in biologia, quamvis lagunam sive paludem aquae salsae.[9]

Nexus interni

Imagines recensere

Notae recensere

  1. J.M. Lancisius: Opera varia in unum congesta, Venetiis 1730, p. 250 et saepius.
  2. D. P. Simpson, Cassell's Latin Dictionary (Londinii: Macmillan, 1959), s.v. (Anglice) lagoon.
  3. Jose Juan del Col (Diccionario Auxiliar ESPAÑOL-LATINO ... 2007), s.v. (Hispanice) laguna.
  4. "lagune: lacus maritimus" et "limnothalatta, stagnum maritimum, vel lacus maritimus"
  5. D. P, Simpson, Cassell's Latin Dictionary (Londinii: Macmillan, 1959), s.v. (Anglice) lagoon.
  6. Dominicus Marius Niger Venetus, Geographiae commentarii (Basileae 1573), p. 39 [1] : "limnothalassa à Graecis dicitur, hoc est, palus marina."
  7. Dominicus Marius Niger Venetus, Geographiae commentarii (Basileae 1573), p. 39 [2] : "limnothalassa à Graecis dicitur, hoc est, palus marina."
  8. Lucretius, De rerum natura, 5:794; etiam Cicero, etc.
  9. Ut puta hic: "... in lacuna salsa Las Saladas de Chiprana"