Institutum (ab instituendo) est corpus organizationale ad efficiendum certum propositum constitutum.

Massachusettense Institutum Technologiae, hic ex aere visum, est institutum latissime agnitum. In media imagine Tholus Grandis est.

Instituta educationis recensere

Instituta saepe sunt societates investigationis (institutiones investigationis) ad investigandas certas res creatae. Institutum etiam esse potest corpus professionale. Instituta in nonnullis civitatibus sunt partes universitatis vel alius institutionis educationis superioris, aut ut grex partium academicarum aut autonomica educationis organizatio sine statu usitato universitario, sicut institutum universitatis. In nonnullis civitatibus, sicut Corea Meridiana et Iaponia, scholae privatae aliquando appellantur instituta, contra scholas. In Hispania, scholae secundariae instituta appellantur.

Magna Britannia recensere

Institute (institutum), nomen Anglicum, in Britanniarum Regno et Monapia est vocabulum protectum, quo societates et aliae organizationes uti possunt solum "si sunt organizationes quae investigationem gradibus summis faciunt vel corpora professionalia summi status."[1][2] Praeterea, si societas negotium alio nomine transigit, illa societas Actui Nominum Negotiorum obsequi debet. Usus tituli institute approbationem Secretarii Status requirit. Defectio approbationis petendae est delictum scelestum.[3]

Nexus interni

Notae recensere

  1. Anglice: "organisations which are carrying out research at the highest level or to professional bodies of the highest standing."
  2. 'Sensitive words' FAQ, www.companieshouse.gov.uk.
  3. De nominibus negotiorum, www.companieshouse.gov.uk.