Heteroptera

Heteroptera Graece 'alae variae') sunt grex 40 000 fere specierum insectorum ordinis Hemipterorum. Plurimis speciebus sunt alae anteriores, quarum partes membraniferae et durae sunt (hemelytra appellatae); sociis autem Enicocephalomorphorum primitivorum alae omnino membraniferae sunt.

Binae Gerridae coeunt.

---

Animalia — Arthropoda

Classis : Insecta 
Ordo : Hemiptera 
Subordo : Heteroptera 

   

Nymphaee cuiusdam heteropteri familiae Reduviidarum.

Generalis Pentatomoidei morphologia. A, caput; B, thorax; C, abdomen. 1, ungues; 2, tarsus; 3, tibia; 4, femur; 8, oculus compositus; 9, antenna; 10, clypeus; 23, laterotergites; 25, pronotum; 26, scutellum; 27, clavus; 28, corium; 29, embolium; 30, membrana.

Nomen Heteroptera in classificationibus hodiernis duabus rationibus variie adhibetur: in taxinomia Linnaeana, subordo intra ordinem Hemipterorum videtur, ubi greges paraphyletici aut monophyletici esse possunt, secundum eorum conscriptionem; sed in taxinomia phylogenetica, cladus sine gradibus intra cladum Prosorrhynchorum adhibetur, qui vicissim intra cladum Hemipterorum digeritur. Hoc evenit ex invento Coleorrhyncha esse fossilia viva tantum Heteropterorum traditionalium, ad ea tam arte cognata ut cum eis consociari possint.

Gerromorpha et Nepomorpha plurimos ex aquaticis et semiaquaticis Heteropterorum sociis comprehendunt, cum paene omnes ex aliis gregibus communes notique inter Cimicomorpha et Pentatomomorpha sunt.

Familiae selectae

• Reduviidae
• Alydidae
• Cimicidae
• Hemiptera plantarum, circa 6000 specierum Miridarum
• Coreidae, praecipue Anasa tristis, et Physomerus grossipes
• Hemiptera seminum, praecipue Lygaeidae et Rhyparochromidae
• Pentatomidae et familiae cognatae

Selectae infraordinum Gerromorphorum et Nepomorphorum familiae

• Notonectidae
• Belostomatidae
• Nepidae
• Corixidae
• Gerridae
• Veliidae

Bibliographia

• China, W. E., et N. C. E. Miller. 1959. Check-list and keys to the families and subfamilies of the Hemiptera-Heteroptera. Bulletin of the British Museum: Entomology 8 (1): 1–45. Londinii: British Museum.
• Sorensen J. T., B. C. Campbell, R. J. Gill, et J. D. Steffen-Campbell. 1995. Non-monophyly of Auchenorrhyncha ("Homoptera"), based upon 18S rDNA phylogeny: eco-evolutionary and cladistic implications with pre-Heteropteroidea Hemiptera (s.l.) and a proposal for new monophyletic suborders. Pan-Pacific Entomologist 71 (1): 31–60.
• Wachmann, Ekkehard. 1989. Wanzen beobachten: kennenlernen. Melsungen: J. Neumann-Neudamm. ISBN 3788805544/
• Weirauch, C., et R. T. Schuh. 2011. Systematics and Evolution of Heteroptera: 25 Years of Progress. Annual Review of Entomology 56: 487–510.

Nexus externi

Vide "Heteroptera" apud Vicispecies.

Vicimedia Communia plura habent quae ad Heteroptera spectant.

• Laboratorium Systematicarum Heteropterorum. University of California apud Riverside.
• Identification guide to UK Hemiptera.
• Bugs – Hemiptera.